HOSIA 7:11 - Khasi CL Bible (BSI)

¹¹ Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

KA BAIBL

¹¹ “Te u Ephraim u long kum ka paro babieit, khlem jingshemphang: ki khot kyrpad ïa ka Ijipt, ki leit ruh sha Assyria.

HOSIA 7:11 ပူးပေါင်းရင်းမြစ်များ

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 SYIEM 16:7

U Ahas u phah ïa ki rangbah sha u Tiglath Pileser, u patsha ka Assyria, ryngkat bad kane ka khubor: “Nga long u shakri baïaineh jong phi. To wan bad pyllait im ïa nga na ki syiem ka Syria bad Israel, kiba wan tur ïaleh ïa nga.”

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

PROBERB 6:32

Hynrei u briew uba klim um don ka bor sngewthuh. U shu pynjot ei ïa lade.

JEREMAÏAH 2:18

Kaei me pyrkhat ba men ïoh da kaba leit sha Ijipt ban dih um na ka Nile? Kaei me pyrkhat ba men ïoh da kaba leit sha Assyria ban dih um na ka Ïuphratis?

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

HOSIA 11:11

Kin wan na Ijipt, da kaba her stet kum ki sim, bad na Assyria, kum ki paro. Ngan wanlam pat ïa ki sha ki ïing jong ki. Ma nga, U Trai nga la kren.”

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

HOSIA 4:11

U Trai u ong, “Ka waiñ, kaba rim bad kaba thymmai ruh, ka pyntlot ïa ka bor pyrkhat ki briew jong nga!

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

OBADAÏAH 1:7

Kiba ïateh lok bad phi ki la shukor ïa phi; ki la beh noh ïa phi na la ka ri. Ki briew kiba ïasuk bad phi, mynta ki la jop ïa phi. Kito ki paralok kiba ju ïabam lang bad phi, ki la pynap jingriam ïa phi; ki ong shaphang jong phi, ‘Shano kato ka jingstad-buit baroh ba u don?’

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.