HOSIA 7:10 - Khasi CL Bible (BSI)

¹⁰ Ka jingsngewmeng ki paid Israel ka kyang pyrshah ïa ki hi. Wat haba kane baroh ka la jia, kim shym la wan phai sha nga, U Trai U Blei jong ki.

KA BAIBL

¹⁰ Bad ka jingsarong u Israel ka phla ha ka khmat jong u: pynban, kim shym la phai sha U Trai U Blei jong ki, lymne wad ïa u, ha kane baroh.

HOSIA 7:10 ပူးပေါင်းရင်းမြစ်များ

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 14:2

U Trai u jngoh na bneng ïa u khunbynriew ban ïohi lada dang don mano mano bastad, bad ba mane ïa U.

SALM 53:2

U Blei u jngoh na bneng ïa u khunbynriew ban khmih lada don mano mano bastad, bad ba mane ïa U.

PROBERB 27:22

Wat lada phi shoh ïa u bieit haduh ba u la jan ïap, pynban phin ym lah satia ban weng ïa ka jingbieit na u.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

HOSIA 5:5

Ka jingsngewmeng jong ki paid Israel ka kyang pyrshah ïa ki. Ki pop jong ki, ki pynlong ïa ki ban jynthut bad kyllon, bad ki paid Judah ki kyllon lang bad ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

HOSIA 7:7

“Ha ka jingkhluit ka jingbitar jong ki, ki pynïap ïa la ki nongsynshar. Ki syiem jong ki, ki shah pynïap uwei hadien uwei, hynrei ym don na ki uba khot kyrpad ïa nga ban ïoh jingïarap.”

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

Ka Shithi U Paul Sha Ki Nong Rom 3:11

ym don uno uno uba stad lane uba mane ïa U Blei.