HOSIA 7:1 - Khasi CL Bible (BSI)

¹ “Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

KA BAIBL

¹ “Haba ngan sa pynkhiah ïa u Israel, la paw ka jingleh bymhok u Ephraim, bad ka jingbymman ka Samaria; namar ki leh lamler: te u nongtuh u bsut hapoh, bad ki paid nongtuh ki lute habar.

HOSIA 7:1 ပူးပေါင်းရင်းမြစ်များ

ISAÏAH 28:1

Ka hima Israel ka la kut! Ka burom jong ka, ka la jah kum ki pansngiat syntiew ha ki khlieh jong ki nongïalam buaid. Ïa ki khlieh basarong jong ki la pyniwbih bha, hynrei hangta ki ïathiah, ki buaid bhor.

ISAÏAH 59:12

“A Trai, ki kam runar jong ngi pyrshah ïa me ki long kiba bun. Ki pop jong ngi hi ki pynrem ïa ngi. Ngi tip bha ïa kine kiei kiei baroh.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 59:14

Ïa ka jingbishar hok la beh noh, bad ka hok kam lah ban wan hajan. Ka jingshisha ka kyllon ha ki lynti shnong, bad ka hok kam don jaka hangta.

JEREMAÏAH 51:9

Ki nongwei kiba sah hangta ki ong, ‘Ngi la pyrshang ban ïarap ïa ka Babilonia, hynrei ka la dier palat. To ngin ieh ïa ka mynta bad ngin leit phai noh sha ïing. U Blei u la pynshitom ïa ka Babilonia da ka bor jong u baroh bad u la pynjot thiaw ïa ka.’ ”

ESEKIEL 16:46

“Ka hynmen jong pha, ka dei ka Samaria ha ka phang bashatei, ryngkat bad ki nongrit jong ka. Ka para jong pha lem bad ki nongrit jong ka, ka dei ka Sodom ha ka phang bashathie.

ESEKIEL 23:4

Kaba kham shuwa ka kyrteng ka Oholah (ka mih pli ïa ka Samaria), bad kaba hadien ka kyrteng ka Oholibah (ka mih pli ïa ka Jerusalem). Nga shongkurim ïa ki baroh ar ngut, bad ki kha ïa ki khun ïa nga.

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 11:12

U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

HOSIA 6:4

Hynrei U Trai u ong, “Ko Israel bad Judah, Kaei kaba ngan leh ïa phi? Ka jingieit jong phi ïa nga ka jah noh shen kum u slap mynstep; ka long kum ka umjer, kaba jah noh shen ha ka sngi.

HOSIA 7:13

“A ki long kiba la tim! Ki la iehnoh ïa nga bad ïeng pyrshah ïa nga. Ïa ki yn pynduh noh. Nga la kwah ban pyllait im ïa ki, hynrei ka jingmane jong ki ïa nga ka long kaba thala.

HOSIA 8:5

Nga isih ïa u masi ksiar ba mane da ki briew jong ka nongbah Samaria. Nga bitar lep ïa ki. Sa katno kan shim por shuwa ba kin sangeh noh na kaba mane bleithaw?

HOSIA 8:9

Ki long kiba mutlop kum ki kada khlaw, ki paid Israel kin ïaid ha la ka jong ka lynti. Ki la leit ban wad jingïarap na ki Assyria, bad ki la siew ruh ïa kiwei pat ki jaitbynriew ban ïada ïa ki.

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

AMOS 3:9

To pynbna ha kito kiba shong ha ki ïingsyiem ha Ijipt bad Ashdod: “Ïalumlang ha ki lum sawdong ka Samaria, bad peit ïa ka jingkhynwin kaba khraw bad ka jingbymman ba la leh hangta.”

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

LOUKAS 19:42

“Lada phan jin da la tip mynta ïa kaei kaba donkam na ka bynta ka jingsuk! Hynrei mynta pham lah ban ïohi ïa ka!