HOSIA 6:8 - Khasi CL Bible (BSI)

⁸ Ka Gilead ka long ka nongbah kaba dap da ki riewbymman bad ki nongpynïap briew.

KA BAIBL

⁸ Ka Gilead ka long ka shnong jong ki nongleh bymhok, ka la bit-tngit da ka snam.

HOSIA 6:8 ပူးပေါင်းရင်းမြစ်များ

2 SAMUEL 20:8

Haba ki la poi ha u mawsiang bah ha Gibeon, u Amasa u la ïakynduh ïa ki. U Joab u la phong ka jaiñ ïaleh thma, bad ka waitlam hapoh ka jingsop jong ka ïa kaba la teh pynskhem ha u panpoh jong u. Katba u wan sha khmat ka waitlam ka la hap.

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

1 SYIEM 2:5

“Ka dang don shuh sa kawei pat. Me kynmaw ïa kaei kaba u Joab u la leh ïa nga da kaba pynïap ïa ki ar ngut ki rangbah ai hukum jong ki shipai Israel — u Abner, u khun jong u Ner bad u Amasa, u khun jong u Jether. Me kynmaw kumno u la pynïap ïa ki ha ka por suk pyrthei kum ka jingpynhiarkput ïa ka jingpynïap kaba ki la leh ha ka por thma. U la pynïap ïa ki rangbah balui lui, bad mynta nga bah ka jingkitkhlieh ïa kaei kaba u la leh, bad nga la shah jynjar na ka bynta kata.

SALM 10:8

U buhrieh ïa lade ha ki shnongrit, da kaba apthap ban pynïap ïa ki briew kiba lui lui. U syntiat ïa ki lanot jong u, ki bym don nongïarap,

SALM 141:4

To sumar ïa nga na ka jingkwah ban leh ïa ka bymdei bad na kaba ïasoh bad ki riewsniew ha ka jingleh bymman jong ki. Ai ba ngan ym ïadon bynta ha ki jingkhawai jong ki.

SALM 59:2

To pyllait im ïa nga na kito ki briew kiba sniew; pyllait ïa nga na kito ki nongpynïap briew!

ISAÏAH 59:6

Hynrei ki jingïasylla jong phi kim wanrah jingbha ei ei ïa phi — ki long bymlarkam kum ka jaiñphong ba la thain da ka snur thapbawa!

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

HOSIA 12:11

La katta ruh ki dang mane ïa ki bleithaw ha Gilead, bad kito kiba mane ïa ki kin ïap. Ha Gilgal ki kñia ïa ki masi kyrtong, bad ki duwan hangta kin kylla long kum ki kynton maw ha ki pyntha bym don jingkah.”

HOSIA 12:12

U Jakob u kpa tymmen jong ngi u la dei ban phet ïap sha Mesopotamia, ha kaba, ban ïoh ïa ka tnga, u trei na ka bynta ïa uwei u briew bad sumar ïa ki langbrot jong u.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

KI KAM 25:3

Ki la kyrpad ïa u Phestos ban leh ei ei na ka bynta jong ki da kaba wallam ïa u Paul sha Jerusalem, naba ki la lah pynlong ka jingïasylla ban pynïap ïa u ha lynti.

JOSHUA 21:38

Na ka jait Gad ki la ïohpdiang saw tylli ki nongbah: ka Ramoth ha Gilead, lem bad ki pyntha phlang jong ka (kawei na ki nongbah jakarieh), ka Mahanaim,