HOSIA 6:7 - Khasi CL Bible (BSI)

⁷ “Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

KA BAIBL

⁷ “Hynrei, ma ki, kum u Adam ki la ryngkang ïa ka jutang: hangta ki la shukor ïa nga.

HOSIA 6:7 ပူးပေါင်းရင်းမြစ်များ

JENESIS 3:11

Bad U Blei u ong, “Mano ba la ïathuh ïa me ba me la lyngkhuit? Hato me la bam ïa u soh uba nga la ong ïa me ban ym bam?”

JENESIS 3:6

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

Ka Kitab U Job 31:33

Kiwei ki pyrshang ban buhrieh ïa la ki pop, hynrei ïa la ki jong ngam ju buhrieh.

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 48:8

Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

JEREMAÏAH 3:7

Nga la pyrkhat ba hadien ba ka la leh ïa kane baroh, da kaba thikna kan sa wan phai pat sha nga. Hynrei kam shym wan phai, bad ka Judah ka para bymïaineh jong ka, ka la ïohi ïa kata baroh.

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

JEREMAÏAH 34:18

Ki rangbah synshar ka Judah bad ka Jerusalem, ryngkat bad ki rangbah synshar ka ïingsyiem, ki lyngdoh, bad baroh ki nongïalam, ki la pynlong ïa ka jutang bad nga da kaba ïaid hapdeng ar tylli ki shiteng jong u masi kyrtong ïa uba ki la ot ha ki ar bynta. Hynrei ki la pynkheiñ ïa ka jutang bad kim shym la bat ïa ki kyndon jong ka. Kumta ngan leh ïa kine ki briew ïa kaei kaba ki la leh ïa u masi kyrtong.

JEREMAÏAH 5:11

Ki briew jong ka Israel bad Judah ki la shetkylla la biang ïa nga, ma nga, U Trai, nga la kren.”

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

Ka Shithi U Paul Sha Ki Nong Rom 5:14

Hynrei naduh ka por jong u Adam haduh ka por jong u Moses, ka jingïap ka synshar halor u bynriew baroh, wat halor kito ki bym shym la leh pop ha ka rukom kumba u Adam u la leh mynba um shym la kohnguh ïa ka hukum U Blei. U Adam u la long ka dur jong uta u ban sa wan.

DEUTERONOMI 31:20

Ngan ïalam ïa ki sha kata ka ri kaba tuid da ka dud bad ka ngap, kumba nga la kular ïa ki kpa tymmen jong ki. Hangta kin ïoh bam katba ki kwah, bad kin im pahuh pahai. Hynrei kin phai noh sha kiwei pat ki blei bad kin mane ïa ki. Kin sa kyntait ïa nga bad pynkheiñ ïa ka jutang jong nga,

HEBRU 8:9

Kan ym long kum ka jutang ïa kaba nga la pynlong bad ki kpa tymmen jong ki ha kata ka sngi ha kaba nga la btin ïa ki bad la ïalam noh ïa ki na ka ri Ijipt. Kim shym ïaineh ha kata ka jutang kaba nga la pynlong bad ki, bad kumta ngam shym shahshkor shuh ïa ki.