HOSIA 6:6 - Khasi CL Bible (BSI)

⁶ Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

KA BAIBL

⁶ Namar nga mon ïa ka jingisynei, te ym ïa ka jingkñia, bad ka jingtip ïa U Blei ban ïa ka jingainguh thang.

HOSIA 6:6 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

SALM 50:8

Ngam sneng ïa phi namar ki jingkñia jong phi bad ki jingainguh thang kiba phi wanrah borabor sha nga.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

EKLESIASTIS 5:1

Da sumar shaphang kaba leit sha ka Templ. Ka kham bha ban leit hangta ban ïoh jinghikai ban ïa kaba ai jingkñia kum ki briew ba-bieit ki bymtip ïa kaba dei na kaba bakla.

ISAÏAH 1:11

U ong, “Hato pha pyrkhat ba nga kwah ïa ki jingkñia baroh kiba pha ïai ai ïa nga? Nga la ngiah shoiñ ïa ki langbrot kiba pha thang kum ki jingkñia bad ïa ki khleiñ jong ki jingri kiba bha tam jong pha. Nga la jlep ïa ka snam jong ki masi lyngraw bad ki langbrot bad ki blang.

ISAÏAH 58:6

“Ka rukom shah jingit kaba nga kwah ka dei kane: Pynduh noh ïa ki kynjri ka jingbanbeiñ bad ka lyngkor ka jingbymhok, bad ai ba kiba la shah banbeiñ kin ïoh laitluid.

JEREMAÏAH 22:16

U bishar hok ïa kiba duk, bad baroh ki ïaid beit bad u. Kata ka long ka jingmut ban ithuh ïa U Trai.

JEREMAÏAH 7:22

Ngam shym la ai ha ki kpa tymmen jong phi ïa kino kino ki hukum shaphang ki jingainguh thang lane kino kino kiwei pat ki jait jingkñia, mynba nga la wallam ïa ki na Ijipt.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

HOSIA 2:20

Ngan bat ïa ka kular jong nga bad nga pynlong ïa pha ka jong nga, bad phan sa pdiang ïa nga kum U Trai.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

AMOS 5:21

U Trai u ong, “Nga isih ïa ki Jingkhawai Niam jong phi; ngam lah shah ïa ki!

MIKAH 6:6

Da-ei ngan wallam sha U Trai, U Blei ka bneng, haba nga wan ban mane ïa u? Hato ngan wallam sha u da ki khun masi bakynsai tam kum ki jingainguh thang?

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MATHAÏOS 12:7

Ka Jingthoh Bakhuid ka ong, ‘Dei ka jingbhasbun kaba nga kwah, ym ïa ka jingkñia ïa ki mrad.’ Lada phi la tip kaei ka jingmut jong kane, phin ym da la pynrem ïa ki briew ki bym shym shah pynrem;

MATHAÏOS 5:7

Suk kito kiba isynei ïa kiwei pat; U Blei un isynei ïa ki!

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

MARKOS 12:33

Bad u briew u dei ban ieit ïa U Blei da ka dohnud jong u baroh bad da ka jingmut jong u baroh bad da ka bor jong u baroh; bad u dei ban ieit ïa la u paramarjan kumba u ieit ïa lade. Ka long kaba kham donkam ban kohnguh ïa kine ki ar tylli ki hukum ban ïa kaba ai jingainguh da ki mrad bad kiwei ki jingkñia sha U Blei.”

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.

1 ÏOANNIS 3:6

Kumta uwei pa uwei uba long ha U Khrist, um ïai leh pop; hynrei uno uno uba ïai leh pop, um pat shym la ïohi ïa u lane ithuh ïa u.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.