HOSIA 6:5 - Khasi CL Bible (BSI)

⁵ Namarkata, nga la phah ïa ki nongïathuhlypa jong nga sha phi ryngkat ka khubor jong ka jingbishar bad ka jingpynjot. Kaei kaba nga kwah na phi ka long kaba shisha bad kaba shai.

KA BAIBL

⁵ Namar kata, nga la khet ïa ki da ki nongïathuhlypa; nga la pynïap ïa ki da ki ktien ka shyntur jong nga: bad ki jingbishar jong me ki long kum ka jingshai kaba leit mih noh.

HOSIA 6:5 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

1 SYIEM 14:6

Hynrei haba u Ahijah u ïohsngew ba ka rung ha jingkhang, u ong, “Rung shapoh, nga tip pha dei ka tnga u Jeroboam. Balei pha leh mynleh kumba pha dei da kawei pat ka briew? Nga don ka khubor kaba sngewsih ïa pha.

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 18:17

Haba u Ahab u ïohi ïa u, u ong, “Me la wan — u nongthaw jingkulmar basniew tam ha Israel!”

1 SYIEM 19:17

Uno uno uba dang lait im na ka jingshah pynïap ha u Hasael, un shah pynïap ha u Jehu, bad uno uno uba lait im na ka jingshah pynïap ha u Jehu un shah pynïap ha u Elisha.

2 SYIEM 1:16

bad u ong ha u, “Kane ka long kaei kaba U Trai u ong, ‘Namar ba me la phah ki nonglamktien ban kylli na u Baalsebub, u blei ka Ekron — i kumba ym don blei ha Israel ban kylli — men ym ïohkhiah; men ïap!’ ”

2 KHRONIKL 21:12

U Elijah u nongïathuhlypa u la phah shithi sha u Jehoram, kaba ong kumne harum: “U Trai, U Blei jong u Dabid, u kpa tymmen jong me, u pynrem ïa me, namar mem shym bud ïa ki nuksa u syiem Jehoshaphat, u kpa jong me lane ïa ka jong u syiem Asa, u kparad jong me.

Ka Kitab U Job 15:30

Wat ka syrngiew jong u kan jah noh, bad un ym lait na ka jingdum. Un long kum u dieng ïa kiba ki tnat la thang da ka ding, uba ki shylluit la rong noh da ka lyer.

Ka Kitab U Job 34:10

To shahshkor ïa nga, phi ki rangbah kiba don jingshemphang! Hato U Blei Badonbor Baroh u leh ïa kaei ka bymdei?

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 37:6

Un pynlong ïa ka hok jong phi ban tyngshaiñ kum ka sngi ha ka por shiteng sngi.

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 1:18

To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

JEREMAÏAH 13:13

Nangta ïathuh ïa ki ba ma nga, U Trai, ngan pyndap ïa ki briew ha kane ka ri da ka waiñ tad haduh ba kin buaid: ki syiem, kiba long kiba hiarpateng na u Dabid, ki lyngdoh, ki nongïathuhlypa, bad baroh ki briew jong ka Jerusalem.

JEREMAÏAH 23:29

Ka khubor jong nga ka long kum ka ding, bad kum u tyrnem uba pynpait lyngkhot ïa ki mawsiang.

ESEKIEL 11:4

Mynta te, to kren pyrshah ïa ki, ko khun u briew.”

ESEKIEL 3:9

Ngan pynlong ïa me uba skhem kum u mawsiang, uba eh kum u diamond; wat sheptieng ïa kito kiba ïaleh pyrshah.”

ESEKIEL 32:18

“Ko khun u briew,” u ong, “to ïamkthang namar baroh u paidbah babun ka Ijipt. Phah ïa ki ban hiar lem bad ki jaitbynriew badonbor sha ka pyrthei kiba ïap.

ESEKIEL 43:3

Kane ka jingïohipaw ka la long kum kaba nga la ïohi mynba U Blei u la wan ban pynjot ïa ka Jerusalem, bad kum kaba nga la ïohi harud ka wah Khebar. Nangta nga la dem pyllup ïa lade ha ka khyndew.

SEPHANAÏAH 3:5

Hynrei U Trai u dang don ha ka nongbah; u leh ïa kaei kaba dei bad da lei lei ruh em ïa kaei ka bymdei. Man ka step khlem bakla, u wallam ka jinglehhok ha ki briew jong u. Bad pynban hangta ki briew bymhok ki ïai leh bymdei bad kim sngewlehrain.

KI KAM 7:31

U Moses u la sngewlyngngoh ïa kaei kaba u la ïohi, bad u la leit hajan ka 'lawlynnong ban ïohi kham bha. Hynrei u la ïohsngew ïa ka sur jong U Trai:

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

EPHESOS 6:17

Bad to pdiang ïa ka jingpynim kum ka jingïada khlieh, bad ka ktien U Blei kum ka waitlam kaba U Mynsiem u ai ha phi.

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

JINGPYNPAW 1:16

U bat ïa ki hynñiew tylli ki khlur ha ka kti kamon jong u, bad ka waitlam arliang syrti ka mih na ka shyntur jong u. Ka durkhmat jong u ka la long phyrnai kum ka sngi kaba shai ha ka por shiteng sngi.

JINGPYNPAW 2:16

Mynta, phai noh na ki pop jong pha! Lada pham leh kumta, shen ngan wan sha pha bad ngan ïaleh pyrshah ïa kito ki briew da ka waitlam ka ban mih na ka shyntur jong nga.

JINGPYNPAW 9:15

La pyllait noh ïa kita ki saw ngut ki angel; na ka bynta kane hi ka kynta jong kane hi ka sngi jong une hi u bnai bad ka snem ïa ki la buh pynkhreh ban pynïap noh shi bynta na ka lai bynta jong u bynriew baroh.

JINGPYNPAW 9:21

Lymne kim shym la kylla-kaba-mut na ki jingpynïap briew jong ki, ki kam myntor jong ki, ki kam awria bajakhlia, ne ka kam tuh jong ki.

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.

1 SAMUEL 15:32

“Wallam ïa u syiem Agag hangne ha nga,” u Samuel u hukum. U Agag u la wan sha u da kaba khynñiuh da ka jingtieng, u da pyrkhat ha lade, “Katno ka long kaba kthang ban ïap.”

1 SAMUEL 15:33

U Samuel u ong, “Kumba ka waitlam jong me ka la pynlong ïa kiba bun ki kmie ban duh khun, kumta mynta ka kmie jong me kan long khlem khun.” Bad u pom lyngkhot lyngkhai ïa u Agag ha khmat ka duwan ha Gilgal.