HOSIA 6:3 - Khasi CL Bible (BSI)

³ To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

KA BAIBL

³ To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

HOSIA 6:3 ပူးပေါင်းရင်းမြစ်များ

2 SAMUEL 23:4

u long kum ka sngi kaba shat ha ka step bym don lyoh, ka sngi kaba pynshat phyrnai ïa u phlang hadien u slap.”

Ka Kitab U Job 29:23

baroh ki pdiang ïa ki kumba ki nongrep ki pdiang sngewbha ïa u slap ha ka por pyrem.

SALM 19:4

pynban ka khubor jong ki ka leit sha kylleng ka pyrthei bad la ïohsngew ha kiba kut jong ka pyrthei. U Blei u thaw ka ïing ha ka sahit bneng na ka bynta ka sngi;

SALM 19:6

Ka sdang na kawei ka tduh jong ka suiñbneng bad ka ïaid sha shiliang sha kawei pat ka tduh. Ym don kano kano kaba lah ban buhrieh na ka jingkhluit jong ka.

SALM 63:8

Nga snoh ha me, bad ka kti jong me ka sumar ïa nga.

SALM 65:9

Me pyn-i ïa ka jingsumar jong me ïa ka ri da kaba phah ïa u slap; me pynseisoh kyrhai ïa ka; me pyndap ïa ki wahduid da ka um; me pynbiang ïa ka khyndew da ki mar rep. Kane ka long kumno me leh ïa ka:

SALM 72:6

Ai ba u syiem un long kum u slap ha ki lyngkha, kum u 'lap praw uba hap halor ka khyndew.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

HOSIA 10:12

Nga la ong, ‘Lur ïa ka khyndew thymmai na ka bynta ïa lade, bet ïa ka jinglehhok, bad ot ïa ka jingkyrkhu ba ka jingmane ïa nga kan pynmih. Ka la dei ka por ïa phi ban phai sha nga, U Trai jong phi, bad ngan sa wan bad theh ki jingkyrkhu halor jong phi.’

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

HOSIA 14:6

Kin khie im da ka jingsan bathymmai, bad kin itynnat kum ki dieng Olib. Kin iwbih kum ki dieng Kedar ka Lebanon.

HOSIA 2:20

Ngan bat ïa ka kular jong nga bad nga pynlong ïa pha ka jong nga, bad phan sa pdiang ïa nga kum U Trai.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MIKAH 5:7

Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

SEKHARAÏAH 10:1

To pan na U Trai ïa u slap ha ka pyrem jong ka snem. U dei U Trai uba phah ïa ki lyoh slap bad ïa u 'lap praw, da kaba pynjyrngam ïa ki lyngkha na ka bynta uwei pa uwei.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

LOUKAS 1:78

U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

DEUTERONOMI 32:2

Ka jinghikai jong nga kan hap kum ki jingjaw slap, bad kan jreiñ ha khyndew kum ka umjer. Ki ktien jong nga kin hap kum u 'lap praw ha ki jingthung ba dang lung, kum u slap ñiup ñiup ha u phlang ba dang lung.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

2 PETROS 1:19

Kumta ngi la nang sngewskhem shuh shuh ha ka khubor ba la pynbna da ki nongïathuhlypa. Kan bha ba phi shahshkor ïa ka, namar ka long kum ka sharak kaba shai ha ka jaka ba-dum haduh ba kata ka Sngi ka wan bad ka jingshai jong u 'lurstep ka tyngshaiñ ha ki dohnud jong phi.

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”