HOSIA 6:1 - Khasi CL Bible (BSI)

¹ Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

KA BAIBL

¹ Ale, ïa ngin ïaphai sha U Trai: namar u la tar, te un pynkhiah ïa ngi; u la shoh, bad un sop spaiñ ïa ngi.

HOSIA 6:1 ပူးပေါင်းရင်းမြစ်များ

2 KHRONIKL 30:6

Ki nonglamktien ki la leit ha ka hukum u syiem bad ki rangbah synshar jong u sha kylleng ka Judah bad ka Israel lem bad ka jingkhot sngewbha kumne harum: “Ko paid Israel, phi la lait im na ka jinghiarthma jong ki Assyria ïa ka ri. Mynta to wan phai sha U Trai, U Blei jong u Abraham, u Isaak, bad u Jakob, bad un wan phai sha phi.

Ka Kitab U Job 16:9

Ha ka jingbitar U Blei u la pyndkut ïa ki kti ki kjat jong nga; u peit ïa nga da ka jingisih.

Ka Kitab U Job 22:23

Ho-oid, phi dei ban phai sha U Blei da ka jingsngewrit bad iehnoh ïa baroh kaba sniew kaba don ha ka ïing jong phi.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

Ka Kitab U Job 5:18

U Blei u sop spaiñ ïa ki jingmong ba u pynlong; ki kti jong u ki pynpang ïa me, bad ki kti jong u ki pynkhiah.

SALM 30:7

Me long uba bha ïa nga, A Trai; me la ïada ïa nga kum ka kut u lumbah. Hynrei nangta me buhrieh ïa lade na nga, bad nga la sheptieng.

SALM 6:2

Nga la ringswai, A Trai; to isynei ïa nga! Pynshaitbor ïa nga; naba nga la lwait shikatdei

SALM 71:20

Me la phah ki jingjynjar bad ki jingshitom halor jong nga, hynrei men pynïoh pat ka jingkhlaiñ ha nga; men sumar ïa nga na ka jingtep.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

ISAÏAH 17:7

Haba kata ka sngi ka wan, ki briew kin phai sha U Nongthaw jong ki ban ïoh ïarap, U Blei bakhuid jong ki Israel.

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 30:12

U Trai u ong ha ki briew jong u, “Ki jingmong jong phi ki long ki bym lah ban koit, ïa ki jingmynsaw jong phi ym lah ban pynkhiah.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 33:5

Katto katne kin ïaleh pyrshah ïa ki nong Babilonia, ki ban pyndap ïa ki ïing da ki metïap jong kito kiba ngan sa pynïap namar ka jingbitar bad ka jingbitar shla jong nga. Nga la phai noh na kane ka nongbah namar kiei kiei kiba sniew kiba ki briew jong ka ki la leh.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

SNGEWSYNEI 3:11

U beh krad ïa nga sharud surok, u tar lyngkhot ïa nga, bad u iehnoh ïa nga.

HOSIA 11:10

“Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

HOSIA 12:6

Kumta mynta, ko ki khun ki ksiew u Jakob, shaniah ha U Blei jong phi bad wan phai pat sha u. Long kiba ïaineh bad kiba lehhok, bad ap da kaba ïaishah ïa U Blei jong phi ban leh.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

LEBITIKOS 14:48

“Lada, haba u lyngdoh u la wan khmih bha, bad u ïohi ba kata ka jingbthuh kam shym paw shuh hadien ba la ñiad astor biang, u dei ban pynbna ba kata ka ïing ka long kaba khuid, namar ba kata ka jingbthuh ka la jah lut.

SEPHANAÏAH 2:1

Ko jaitbynriew bym don jinglehrain, to tipbriew

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

1 SAMUEL 2:6

U Trai u pynïap bad u pynim pat; u pynhiar ïa ki briew sha ka pyrthei kiba ïap, bad u pynkiew pat ïa ki.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”