HOSIA 5:6 - Khasi CL Bible (BSI)

⁶ Ki shim ïa ki langbrot bad ki jingri jong ki ban ai kum ki jingkñia sha U Trai hynrei kane kan ym wanrah jingbha ei ei ïa ki. Kin ym shem ïa u namar u la iehnoh ïa ki.

KA BAIBL

⁶ Kin leit bad la ki kynhun lem bad la ki jingri ban wad ïa U Trai; te kin ym shem ïa u: u la kynriah na ki.

HOSIA 5:6 ပူးပေါင်းရင်းမြစ်များ

EKSODOS 10:9

U Moses u la jubab, “Ngin ïaleit lut baroh, kynthup ki khun jong ngi haduh ki tymmen jong ngi. Ngin ïalam ïa ki khun shynrang bad ki khun kynthei jong ngi, lem bad ki langbrot bad ki blang, bad ki masi jong ngi, namar ngi dei ban pynlong ka jingkhawai ban pyndonburom ïa U Trai.”

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

JINGRWAI SOLOMON 5:6

Nga la plie ïa ka jingkhang na ka bynta uba ieit jong nga, hynrei u la leit noh. A katno nga la kwah ban ïohsngew ïa ka sur jong u! Nga la wad ïa u, hynrei ngam shym shem ïa u; nga la pyrta ïa u, hynrei ngam shym ïohsngew kano kano ka jubab.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

SNGEWSYNEI 3:44

da u lyoh jong ka jingbitar shla jong me uba rben katta katta ïa ki jingduwai jong ngi ban ksam lyngba.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

ESEKIEL 8:6

U Blei u la ong ha nga, “Ko khun u briew, me ïohi ïa kaei kaba jia? Khmih ïa kito kiei kiei kiba ijli ba ki paid Israel ki leh hangne, ban beh noh ïa nga sha jngai bad kham sha jngai na ka jaka bakhuid jong nga. Men dang ïohi shuh ïa kiei kiei kiba kham jahburom ban ïa kane.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

AMOS 8:12

Ki briew kin ïaid sakma na ka Duriaw Baïap sha ka Mediterranian bad nangta shuh shuh na shatei shaduh mihngi. Kin ïakhmih kylleng kylleng ïa ka khubor na U Trai, hynrei kin ym shem ïa ka.

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

LOUKAS 5:16

Hynrei u ju leit noh sha ki jaka kynjah, ha kaba u la duwai.

ÏOANNIS 7:34

Phin ïawad ïa nga, hynrei phin ym shem ïa nga, namar phim lah ban leit sha kaba ngan don.”