HOSIA 5:14 - Khasi CL Bible (BSI)

¹⁴ Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

KA BAIBL

¹⁴ Namar nga, ngan long kum u sing ha u Ephraim, bad kum u sing samla ha ka ïing Judah: nga, ngan tar bad ngan leit noh; ngan rong noh, te yn ym don u ban pyllait.

HOSIA 5:14 ပူးပေါင်းရင်းမြစ်များ

Ka Kitab U Job 10:16

Lada nga ïoh ïa kano kano ka jingjop, me beh kthong ïa nga kum u sing; ban pynmynsaw ïa nga me leh wat da ki kambah.

Ka Kitab U Job 10:7

Me tip ba ngam shym leh pop, bad ba ym don uwei ruh uba lah ban pyllait im ïa nga na me.

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

SALM 7:2

ïoh ba kum u sing kin rong noh ïa nga sha kaba ym don ba lah ban pyllait im ïa nga, bad hangta kin patar lyngkhot lyngkhai ïa nga.

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

JEREMAÏAH 25:38

U Trai u la iehnoh ïa la ki briew kum u sing uba iehnoh ïa la ka krem. Ki jingshyrkhei ka thma bad ka jingbitar shla U Trai ki la pynkylla ïa ka ri sha ka ri shyiap.

SNGEWSYNEI 3:10

U la ap ïa nga kum ka dngiem; u kynrup ïa nga kum u sing.

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

AMOS 2:14

Wat ki nongmareh stet kin ym lait im, ki rangbah kiba khlaiñ kin duh ïa la ka bor, bad ki shipai kin ym lah wat ban pyllait ïa la ka jong ka jingim.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

DEUTERONOMI 28:31

Ïa ki masi jong phi yn pynïap ha khmat jong phi hi, hynrei phin ym ïoh bam ïa ka doh jong ki. Ïa ki kada jong phi yn rong jubor ha khmat jong phi hi, bad yn ym pynphai pat ïa ki sha phi. Ïa ki langbrot jong phi yn ai noh ha ki nongshun jong phi, bad yn ym don ba ïarap ïa phi.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.