HOSIA 5:10 - Khasi CL Bible (BSI)

¹⁰ U Trai u ong, “Nga la bitar namar ba ki nongïalam ka Judah ki la hiarthma ïa ka Israel bad tuh jaka na ka. Kumta ngan theh noh ka jingpynshitom halor jong ki kum ka jingshlei um.

KA BAIBL

¹⁰ Ki rangbah Judah ki long kum kita kiba pynkynriah pud: ngan theh noh ïa la ka jingbitar halor jong ki, kum ka um.

HOSIA 5:10 ပူးပေါင်းရင်းမြစ်များ

SALM 32:6

Kumta baroh ki briew kiba hok ai kin duwai sha me ha ki por badonkam; haba ka jingshlei jong ka jingjynjar ka wan tur shapoh, kan ym lah ban poi sha ki.

SALM 69:24

To theh noh ïa ka jingbitar jong me halor jong ki; ai ba ka jingbitar shla jong me kan lap ïa ki.

SALM 88:17

Ki kerkut ïa nga kum ka jingshlei um baroh shi sngi; ki khangkdong ïa nga na baroh ki liang.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 22:28

Wat ju pynkynriah ïa u mawpud ba ki kpa tymmen jong phi ki la thung naduh mynbarim.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ESEKIEL 22:22

Yn pynum ïa ki ha Jerusalem kumba pynum ïa ka rupa ha ka lawar ding, bad nangta kin tip ba ki mad ïa ka jingbitar jong U Trai.”

ESEKIEL 7:8

“Mynta kumne kumne phan sa sngew ïa ka bor jingbitar jong nga baroh. Ngan bishar ïa pha kat kum kiei kiei kiba pha la leh, bad pynshitom ïa pha namar ki kam ba-ijli jong pha baroh.

MATHAÏOS 7:27

U slap u la hap, ki wah ki la shlei, ka lyer ka la beh jur pyrshah ïa kata ka ïing, bad ka la khyllem. Bad katno ka jingkhyllem bashyrkhei ka la long!”

LOUKAS 6:49

Hynrei uno uno uba ïohsngew ïa ki ktien jong nga bad u bymkohnguh ïa ki u long kum u briew uba la tei ïa la ka ïing khlem da pynshong nongrim; haba ka jingshlei um ka lynshop ïa kata ka ïing, ka khyllem shisyndon — bad katno ka jingkhyllem kaba shyrkhei kata ka la long!”

DEUTERONOMI 19:14

“Ynda phi ïohkynti ïa kata ka ri ba U Trai U Blei jong phi u ai ha phi, wat pynkynriah ïa u mawpud jong u paramarjan jong phi ïa uba la thung naduh mynbarim.

DEUTERONOMI 27:17

“ ‘Ka jingtim U Blei kan hap ha uta u briew uba pynkynriah ïa u mawpud jong u paramarjan.’ “Bad u paidbah baroh un jubab lang, ‘Amen!’