HOSIA 4:9 - Khasi CL Bible (BSI)

⁹ Phin sa shah ïa kajuh ka jingpynshitom kum ki riewpaidbah! Ngan pynshitom ïa phi bad pynlong ïa phi ban siew na ka bynta ka jingsniew ba phi leh.

KA BAIBL

⁹ Te kan long, kum u paidlang kumta ruh u lyngdoh: te ngan pynshitom ïa ki namar ki lynti jong ki, bad ngan ai nong ïa ki, ïa ki jingleh jong ki.

HOSIA 4:9 ပူးပေါင်းရင်းမြစ်များ

PROBERB 11:31

Kito kiba bha ki ïoh bainong hangne ha pyrthei, te phi lah ban thikna ba ki bymman bad ki briew kiba pop kin shah pynshitom.

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 5:22

Ki pop u riewbymman ki long ka jingriam. U ngat ha ka jingriam jong ki pop jong u hi.

ISAÏAH 24:2

Uwei pa uwei un ïakynduh ïa kajuh ka kupar — ki lyngdoh bad ki briew, ki mraw bad ki kynrad, kiba thied bad kiba die, kiba ai kylliang bad kiba shim kylliang, kiba riewspah bad kiba duk.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

ESEKIEL 44:10

U Trai u la ong ha nga, “Ngan pynshitom ïa kito ki Lebi, ryngkat bad ïa kito kiba na ki paid Israel, kiba la iehnoh ïa nga bad mane ïa ki bleithaw.

ESEKIEL 44:12

Hynrei namar ba ki la leh ïa ka jingmane ïa ki bleithaw na ka bynta ki paid Israel bad ba ha kane ka rukom ki la ïalam ïa ki paidbah sha ka pop, ma nga, U Trai Nongsynshar, nga smai kyntang ba dei ban pynshitom ïa ki.

HOSIA 1:4

U Trai u la ong ha u Hosia, “Pynkyrteng ïa u, u ‘Jesreel,’ namar kan ym slem shuh shuwa ba ngan pynshitom ïa u syiem ki Israel namar ki kam pynïap briew ba u kpa tymmen jong u, u Jehu u la leh ha Jesreel. Ngan pynkut noh ïa ka jingsynshar na ka longïing syiem jong u Jehu.

HOSIA 10:10

Ngan tur ïaleh ïa kine ki briew bymman bad ngan pynshitom ïa ki. Ki jaitbynriew kin ïalumlang pyrshah ïa ki, bad yn pynshitom ïa ki namar ki pop kiba bun ki jong ki.

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 12:3

U kpa tymmen jong ki u Jakob u la ïaleh ïa u hynmen synrap jong u, u Iso, katba baroh ar ngut ki dang don hapoh ka kpoh ka kmie jong ki; haba u Jakob u la nang san, u ïaleh pyrshah ïa U Blei —

HOSIA 7:2

Kam ju rung ha ki jingmut jong ki ba ngan kynmaw ïa kane ka kam sniew baroh; hynrei ki pop jong ki, ki ker sawdong ïa ki, bad ngam lah khlem da ïohi ïa ki.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”