HOSIA 4:7 - Khasi CL Bible (BSI)

⁷ “Katba phi ki lyngdoh phi nang ïabun, katta phi nang leh pop pyrshah ïa nga; bad kumta ngan pynkylla ïa ka burom jong phi sha ka jingjahburom.

KA BAIBL

⁷ “Katba ki la nang roi ruh, ki la nang leh pop ïa nga: ngan pynkylla ïa ka burom jong ki sha ka jinglehrain.

HOSIA 4:7 ပူးပေါင်းရင်းမြစ်များ

ESRA 9:7

Naduh ki sngi jong ki kpa tymmen jong ngi haduh mynta, ma ngi, ki briew jong me, ngi la leh pop palat. Namar ki pop jong ngi, ma ngi, ki syiem jong ngi, bad ki lyngdoh jong ngi, ngi la hap noh ha ki kti jong ki syiem nongwei, bad ïa ngi la pynïap, la lute bad la ïalam noh kum ki koidi. Ngi la long baroh kiba shah lehrain, kumba ngi long ruh mynta ka sngi.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

HOSIA 10:6

Ïa uta u bleithaw yn kit noh sha Assyria kum ka jingnguh syiem ïa u patsha uba khraw. Ïa ka Israel yn pynjahburom bad yn pynlehrain namar ki jingai jingmut ba ka bud.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 4:10

Phin sa bam ïa la ka bynta na ki jingkñia hynrei phin ïai thngan. Phin sa mane ïa ki blei pynkharoi, hynrei la katta ruh phin ym ïoh khun satia, namar phi la phai lyndet na nga bad bud ïa kiwei pat ki blei.”

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

HOSIA 6:9

Ki lyngdoh ki long kum ka kynhun ki nonglute kiba apthap ïa u briew. Wat ha ka lynti sha ka jaka bakhuid ha Shekhem ki pynïap briew. Bad ki leh ïa kane kaba sniew baroh da kaba thmu lypa!

HOSIA 9:11

Ka jingkhraw ki Israel kan her noh kum ka sim, bad yn ym don shuh ki khun ban kha na ki, yn ym don shuh ki kynthei ki ban armet, yn ym don jingpunkhun shuh.

HABAKKUK 2:16

Markylliang yn tap ïa phi da ka jinglehrain ha ka jaka ka burom. Phi ruh phin ïadih bad ïaid sheng sheng. U Trai un pynlong ïa phi ban dih na la ka khuri jong ka jingpynshitom, bad ka burom jong phi kan kylla sha ka jingjahburom.

MALAKHI 2:9

Te nga, da kaba phai pat, ngan pynlong ïa ki paid Israel ban ibeiñ ïa phi namar phim shym kohnguh ïa ka mon jong nga, bad haba phi hikai ïa ki briew jong nga, phim shym ñiew kumjuh ïa baroh.”

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.