HOSIA 4:6 - Khasi CL Bible (BSI)

⁶ Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

KA BAIBL

⁶ Ïa u paidlang jong nga la pynjot namar bymdon jingtip; namar ba me la kyntait ïa ka jingtip, nga ruh ngan kyntait ïa me, ba men ym long lyngdoh satia ha nga: naba me la klet ïa ka hukum U Blei jong me, nga ruh ngan klet ïa ki khun jong me.

HOSIA 4:6 ပူးပေါင်းရင်းမြစ်များ

2 KHRONIKL 15:3

Slem bah ki Israel ki la im khlem U Blei uba shisha, khlem ki lyngdoh ban hikai ïa ki, bad khlem ka hukum.

Ka Kitab U Job 36:12

Hynrei lymda kumta, kin ïap ha ka jingbymtip bad ryngkang ïa ka wah sha ka pyrthei kiba ïap.

SALM 119:139

Ka jingbitar jong nga ka pluh hapoh jong nga kum ka ding, namar ki nongshun jong nga kim ñiewkor ïa ki hukum jong me.

SALM 119:153

To khmih ïa ka jingshitom jong nga, bad to pyllait im ïa nga, naba ngam shym leh klet ïa ka aiñ jong me.

SALM 119:61

Ki bymman ki la buh ka jingriam ïa nga, hynrei ngam shym klet ïa ka aiñ jong me.

SALM 18:27

Me pyllait im ïa kito kiba sngewrit, hynrei me pynhiar ïa kito kiba sarong.

PROBERB 10:21

Ki ktien u briew uba bha ki pynmyntoi ïa kiba bun ki briew, hynrei phin pynïap ïa lade da ka jingmutlop.

PROBERB 19:2

Ka jingshitrhem khlem ka jingtip kam long kaba bha; ka jingbymïaishah kan pynïoh ha phi ïa ka jingjynjar.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 17:10

Ko Israel, pha la klet noh ïa U Blei uba la pyllait ïa pha bad uba la ïada ïa pha kum u mawsiang bah. Pynban, pha la thung ki kper bakyntang khnang ban mane ïa u blei nongwei.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ISAÏAH 29:12

Lada phi ai ïa ka ha uno uno u bym lah ban pule bad ong ïa u ban pule ïa ka ha phi, un jubab ba um tip kumno ban pule.

ISAÏAH 3:12

Ki nongai pisa kylliang ki banbeiñ ïa ki briew jong nga, bad ki nongai ram jong ki, ki thok ïa ki. Ko paidlang jong nga, ki nongïalam jong phi ki ïalam bakla ïa phi, khnang ba phin ym tip kano ka lynti ban phai pat.

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

ISAÏAH 5:13

kumta ïa phi yn rah noh kum ki koidi. Ki nongïalam jong phi kin shahthngan haduh ban ïap, bad ki riewpaidbah kin ïap thynrang.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

ESEKIEL 44:23

“Ki lyngdoh kin hikai ïa ki briew jong nga ïa ka jingïapher hapdeng kaei kaba khuid bad ka bymkhuid, bad hapdeng kaei kaba khuid kat kum ka jinglehniam bad kaei ka bym long kumta.

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

HOSIA 4:14

Wat la katta ruh ngan ym pynshitom ïa ki na ka bynta kane, namar ma phi hi phi ïa-ïaid lang bad ki nuti kiba ha ka templ, bad ryngkat bad ki, phi ai ki jingkñia ba-thala. Kumba ka proberb ka ong, ‘Ki briew kiba khlem pyrkhat kin sa jot noh.’

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

HOSIA 7:9

Ki shaniah ha ki jaitbynriew sawdong jong ki bad kim sngewthuh ba kane ka jingshaniah ha ki nongwei ka la bam duh noh ïa ka jingkhlaiñ jong ki. Ki sngi jong ki, ki la jan kut, hynrei kim shym la tip ïa kata.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

HOSIA 8:12

Nga la thoh ki jinghikai bym lah ñiew shuh na ka bynta ki briew, hynrei ki kyntait ïa ki kum kaei kaei kaba khyllah bad long nongwei.

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

HOSIA 9:17

U Blei uba nga shakri un kyntait ïa ki briew jong u, namar ba kim shym la shahshkor ïa u. Kin kylla long ki nongïaidwir hapdeng ki jaitbynriew.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 15:8

“ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai