HOSIA 4:3 - Khasi CL Bible (BSI)

³ Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

KA BAIBL

³ Namar kata, ka ri kan sa ïambriew, bad uba shong ha ka baroh un sdot noh, lem bad ki mrad khlaw bad ki sim bneng; shisha keiñ, ïa ki dohkha ka duriaw ruh yn shim noh.”

HOSIA 4:3 ပူးပေါင်းရင်းမြစ်များ

ISAÏAH 33:9

Ka ri ka sah shrah bad long ri shyiap. Ki khlaw ka Lebanon ki la tyrkhong, ka them baseisoh ka Sharon ka long kum ka ri shyiap, bad ha Bashan bad ha u lum Karmel ki sla ki hap na ki dieng.

JEREMAÏAH 12:4

Sa katno ba ka ri jong ngi kan tyrkhong, bad ba u phlang ha kawei pa kawei ka pyntha un ïapstai? Ki mrad bad ki sim ki ïap namar ka jingbymman jong ki briew jong ngi, ki briew kiba ong, ‘U Blei um ïohi ïa kaei kaba ngi leh.’ ”

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 4:25

Nga la ïohi ba ym don briew; wat ki sim ki la lah her noh.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:9

Hato ngan ym pynshitom ïa ki na ka bynta kine kiei kiei? Hato ngan ym pynhiarkput halor ka jaitbynriew kaba kum kane? Ma nga, U Trai, nga la kren.”

ESEKIEL 38:20

Man la ka dohkha bad ka sim, man la ka mrad, barit bad baheh, bad man la u briew halor ka sla pyrthei kin khynñiuh da ka jingsheptieng ïa nga. Ki lumbah kin khyllem, ki riat kin twa, bad kawei pa kawei ka kynroh kan kyllon.

JOEL 1:18

Ki masi ki ïa-pah ha ka jinglanot namar ym don jaka phlang na ka bynta jong ki; ki kynhun langbrot ruh ki shah jynjar.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

AMOS 5:16

Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.

AMOS 8:8

Bad kumta ka khyndew kan khynñiuh, bad uwei pa uwei ha ka ri un long ha ka jinglanot. Ka ri baroh kawei kan khynñiuh; kan kiew bad kan hiar kum ka wah Nile.

NAHUM 1:4

U hukum ïa ka duriaw, bad ka rngad! U pynlong ïa ki wah ban tyrkhong. Ki pyntha jong ka Bashan ki swai, u lumbah Karmel u kylla bthuh, bad ki syntiew jong u Lebanon ki jlop.

SEPHANAÏAH 1:3

ïa baroh ki briew bad ki mrad, ki sim bad ki dohkha. Ngan wallam ka jingkyllon jong u bymman. Ngan pynjot ïa u bynriew baroh, bad yn ym pynsah ïa uno uno uba lait im. Ma nga, U Trai nga la kren.

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”