HOSIA 4:2 - Khasi CL Bible (BSI)

² Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

KA BAIBL

² Don tang kaba smai bad kaba shukor, bad kaba pynïap, bad kaba tuh, bad kaba klim; ki mih, bad ka snam ka kynroi ïa ka snam.

HOSIA 4:2 ပူးပေါင်းရင်းမြစ်များ

JENESIS 4:8

Nangta u Kain u ong ïa u Abel u para jong u, “Ïa ngin ïaleit sha lyngkha.” Haba ki la don ha lyngkha, u Kain u la shoh ïa la u para bad u la pynïap ïa u.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 48:1

To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

JEREMAÏAH 51:5

Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

JEREMAÏAH 6:7

Kumba ka pukri ka pynneh sngur ïa ka um jong ka, kumta ruh ka Jerusalem ka pynneh ïa ka jingsniew jong ka. Nga ïohsngew ïa ka jingleh jubor bad ka jingpynjot hapoh ka nongbah, ka jingpang bad ki jingmong ki long baroh kiba nga ïohi.

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

ESEKIEL 7:23

“Kiei kiei baroh ki kulmar lut — ka ri ka kynrei da ki jingïa-pynïap bad ki nongbah ki shlei da ka jingleh thombor.

HOSIA 10:13

Hynrei pynban phi la bet ïa kaba sniew bad ïoh ot ïa ka jingot jong ka. Phi la bam ïa ki soh ba la pynmih da ka jingshukor jong phi. “Namar ba phi shaniah ha ki kali thma jong phi bad ha ka jingbun paid ki shipai jong phi,

HOSIA 10:4

Ki kren ki ktien bym don jingmut bad pynlong ki jingkular lamler bad ki jingïateh kular bymlarkam. Ka hok ka kylla long bymhok, ka nang san kum ki ñiut ba long bih ha ka lyngkha ba la dep lur.

HOSIA 11:12

U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

HOSIA 12:14

Ki paid Israel ki la pynbitar kthang ïa U Trai; ki dei hok ban shah pynïap namar ki kam sniew jong ki. U Trai un pynshitom ïa ki na ka bynta ka jingpynjahburom kaba ki la wanlam ha u.

HOSIA 5:2

ka kharai kaba jylliew ha ka nongbah Akasia; bad ngan pynshitom ïa phi baroh.

HOSIA 6:8

Ka Gilead ka long ka nongbah kaba dap da ki riewbymman bad ki nongpynïap briew.

HOSIA 6:9

Ki lyngdoh ki long kum ka kynhun ki nonglute kiba apthap ïa u briew. Wat ha ka lynti sha ka jaka bakhuid ha Shekhem ki pynïap briew. Bad ki leh ïa kane kaba sniew baroh da kaba thmu lypa!

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

HOSIA 7:3

U Trai u ong, “Ki briew ki shukor ïa u syiem bad ki rangbah synshar jong u da ki buit bymman jong ki.

HOSIA 7:4

Baroh ki long kiba shetkylla bad ki bym lah shaniah. Ka jingisih jong ki, ka ing suki kum ka ding ha ka tyndur, ka bym shym la pynkhih da u nongshet kpu haduh ba u 'purew u lah long ban shet.

MIKAH 3:2

pynban phi isih ïa kaei kaba bha bad phi ieit ïa kaei kaba sniew. Phi khoh snieh im ïa ki briew jong nga bad phi tar ïa ka doh na ki shyieng jong ki.

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

MIKAH 6:10

Ha ki ïing jong ki briew kiba sniew don ki jingkynshew kiba ki la lum da kaba leh bymhok. Ki pyndonkam da ki jingthew bashukor, kaei kaei kaba nga isih.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

SEPHANAÏAH 3:1

Ka Jerusalem ka long kaba la tim, kata ka nongbah kaba ijli, kaba ïeng ïaleh pyrshah, kaba banbeiñ ïa la ki jong ki briew.

SEKHARAÏAH 5:3

Nangta u la ong ha nga, “Halor jong ka la thoh ïa ka jingtim kaba dei ban leit sha ka ri baroh kawei. Ha kawei ka liang jong ka kot kli ka ong ba ïa uwei pa uwei u nongtuh yn weng noh na ka ri; bad ha kawei pat ka liang ka ong ba ïa uno uno uba ïathuh lamler hapoh ka jingsmai yn shim noh ïa u ruh.

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

MATHAÏOS 23:35

Kaba mih na kata, ka jingpynshitom na ka bynta ka jingpynïap ïa baroh ki rangbah balui lui kan hap halor jong phi, naduh ka jingpynïap ïa u Abel balui lui haduh ka jingpynïap ïa u Sakharaïah u khun jong u Berakhaïah, ïa uba phi la pynïap hapdeng ka Templ bad ka duwan.

KI KAM 7:52

Hato ym don u nongïathuhlypa ïa uba ki kpa tymmen jong phi ki la pynshitom beiñ? Ki la pynïap ïa ki nonglamktien jong U Blei, kiba slem bah mynshuwa ki la pynbna ïa ka jingwan jong u shakri bahok jong u.

DEUTERONOMI 5:11

“ ‘Wat pyndonkam thala ïa ka kyrteng jong nga, naba nga U Trai U Blei jong phi ngan pynshitom ïa uba pyndonkam thala ïa ka kyrteng jong nga.

DEUTERONOMI 5:18

“ ‘Wat klim.

DEUTERONOMI 5:19

“ ‘Wat tuh.

1 THESSALONI 2:15

kiba la pynïap ïa U Trai Jisu bad ïa ki nongïathuhlypa, bad ki la pynshitom beiñ ïa ngi. A kumno ki la long ki bym pynsngewbha ïa U Blei! A kumno ki la long kiba shun iwei ïa iwei!

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.