HOSIA 4:18 - Khasi CL Bible (BSI)

¹⁸ Hadien ba ki la dih shibun ka waiñ, ki ïaleh sngewbha ha ki kam nuti jong ki, ki jied ïa ka jingjahburom ban ïa ka burom.

KA BAIBL

¹⁸ Ka jingdih jong ki, ka la jew: ki ïai-leh nuti; ki nongsynshar jong ki, ki ieit eh ïa ka jinglehrain.

HOSIA 4:18 ပူးပေါင်းရင်းမြစ်များ

JENESIS 38:24

Kumba lai bnai hadien kane, don ba ïathuh ha u Judah, “Ka pyrsa kurim jong phi ka la leh kum ka nuti, bad mynta ka la punkhun.” “Sei shabar ïa ka, bad thang im ïa ka,” ong u Judah.

SALM 47:9

Ki nongsynshar jong ki hima ki ïalum bad ki briew jong U Blei jong u Abraham. U long ma u, uba kham khlaiñ ban ïa baroh ki kynhun shipai; u synshar halor baroh.

EKSODOS 23:8

Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

ESEKIEL 16:15

“Hynrei pha shim kabu ïa ka jingbhabriew bad ka nam jong pha, ban ïathiah bad uno uno uba pha ïakynduh.

HOSIA 4:10

Phin sa bam ïa la ka bynta na ki jingkñia hynrei phin ïai thngan. Phin sa mane ïa ki blei pynkharoi, hynrei la katta ruh phin ym ïoh khun satia, namar phi la phai lyndet na nga bad bud ïa kiwei pat ki blei.”

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.