HOSIA 4:14 - Khasi CL Bible (BSI)

¹⁴ Wat la katta ruh ngan ym pynshitom ïa ki na ka bynta kane, namar ma phi hi phi ïa-ïaid lang bad ki nuti kiba ha ka templ, bad ryngkat bad ki, phi ai ki jingkñia ba-thala. Kumba ka proberb ka ong, ‘Ki briew kiba khlem pyrkhat kin sa jot noh.’

KA BAIBL

¹⁴ Ngan ym pynshitom ïa ki khun kynthei jong phi, haba ki leh nuti, lymne ïa ki nongleit-kurim jong phi, haba ki klim; namar ki hi ki leit kyrpang bad ki nuti, bad ki ïakñia lem bad ki: te ïa u paidlang u bymshemphang yn pynkyllon.

HOSIA 4:14 ပူးပေါင်းရင်းမြစ်များ

1 SYIEM 15:12

U beh noh na ka ri ïa ki nuti shynrang bad kynthei baroh kiba shakri ha ki jaka mane blei thala, bad u weng noh ïa ki bleithaw baroh ba ki kpa tymmen jong u ki la thaw.

2 SYIEM 23:7

U pynjot ïa ki jaka ha ka Templ, ha kiba ju shong ki nuti ka Templ. (Ka dei hangta ba ki kynthei ki ju thain ïa ki barandi kiba ju pyndonkam ha kaba mane ïa ka Asherah.)

PROBERB 28:5

Ki briew kiba sniew kim sngewthuh kaei ka jinglehhok, hynrei kito kiba mane ïa U Trai ki sngewthuh bha ïa ka.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

AMOS 2:7

Ki kyrdem ïa kiba tlot bad ki bymdonbor bad ki khynñiat sharud lynti ïa kiba duk. U briew bad u kpa jong u ki ïathiah shongkha ïa kajuh ka kynthei mraw, bad kumta ki pyntngit ïa ka kyrteng kaba khuid jong nga.

AMOS 7:17

Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

JINGKHEIÑ 25:3

Te U Trai u bitar lep ïa ki,

ÏOANNIS 8:43

Balei phim sngewthuh ïa kaei kaba nga ong? Ka long namar ba phim lah shah ban sngap ïa ka khubor jong nga.

Ka Shithi U Paul Sha Ki Nong Rom 3:11

ym don uno uno uba stad lane uba mane ïa U Blei.

1 KORINTH 6:16

Lane lehse phim tip ba u briew uba pynïasoh ïa la ka met bad ka nuti u long kawei ka met bad ka? Ka Jingthoh Bakhuid ka ong shai kdar, “Baroh ar kin ïalong kawei ka doh.”

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

DEUTERONOMI 23:17

“Ym dei ïa u Israel, shynrang lane kynthei, ban leit long nuti ha ka jaka mane blei.

HEBRU 12:8

Lada ïa phi ym shym la pynshitom, kumba shah ki khun jong u baroh, ka mut ba phim dei ki khun bashisha jong u, hynrei ki khun khlem kpa.