HOSIA 4:1 - Khasi CL Bible (BSI)

¹ U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

KA BAIBL

¹ To sngew ïa ka ktien U Trai, phi ki khun Israel: “namar U Trai u don ka jingïasaid bad kiba shong ha ka ri, namar ym don jingshisha, lymne jingisynei, lymne jingtip ïa U Blei ha ka ri.

HOSIA 4:1 ပူးပေါင်းရင်းမြစ်များ

1 SYIEM 22:19

U Mikaïah u ong shuh shuh: “Mynta sngap ïa kaei ba U Trai u ong! Nga ïohi ïa U Trai ba u shong ha ka khet jong u ha bneng, lem bad ki angel jong u kiba ïeng hajan jong u.

SALM 81:9

Phim dei da lei lei ban mane ïa uwei pat u blei,

ISAÏAH 1:10

Ko Jerusalem, ki nongsynshar bad ki briew jong pha ki long kum ki jong ka Sodom bad Gomorrah. To shahshkor ïa kaei kaba U Trai u ong ïa pha. Pynleit jingmut ïa kaei kaba U Blei jong ngi u hikai ïa pha.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 28:14

Mynta, phi ki briew ba leh meng kiba synshar hangne ha Jerusalem halor kane ka jaitbynriew, shahshkor ïa kaei kaba U Trai u ong.

ISAÏAH 34:1

Ale, phi ki briew jong ki hima baroh! To ïalumlang bad to shahshkor. Ai ba ka pyrthei baroh kawei bad uwei pa uwei uba shong ha ka un wan hangne bad shahshkor.

ISAÏAH 34:8

Kane ka dei ka por ha kaba U Trai un pyllait im ïa ka Seïon bad pynhiarkput halor ki nongshun jong ka.

ISAÏAH 5:3

Kumta mynta u paralok jong nga u ong: “Ma phi ki briew kiba shong ha Jerusalem bad Judah, to bishar hapdeng jong nga bad ka bri sohwaiñ jong nga.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

ISAÏAH 59:8

Bad ym don ba long shngain haba phi don hangta. Baroh kaba phi leh ka long ka bymhok. Phi bud ïa ka lynti ïaid kaba kyllaiñ, bad ym don uwei ruh uba ïaid na kata ka lynti u ban long shngain.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

JEREMAÏAH 19:3

U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

JEREMAÏAH 2:4

To shahshkor ïa ka khubor jong U Trai, phi ki khun ki ksiew jong u Jakob, phi ki jait jong ka Israel.

JEREMAÏAH 2:9

“Bad kumta ma nga, U Trai ngan buh biang ïa ka mokotduma pyrshah ïa ki briew jong nga. Ngan wanrah ki jingmudui pyrshah ïa ki khun ki ksiew jong ki.

JEREMAÏAH 25:31

U Trai un tian bishar pyrshah ïa ki jaitbynriew; un wallam ïa ki briew baroh ha ka jingbishar, bad ïa kiba bymman un pynïap, U Trai u la kren.’ ”

JEREMAÏAH 34:4

Ko Sedekaïah, shahshkor ïa kaei kaba nga ong shaphang jong me. Men ym shah pynïap ha ka thma.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 4:28

Ka pyrthei kan ïam sngewsih; ka sahit bneng kan sdang dum. U Trai u la kren bad un ym kylla ïa ka jingmut jong u. U la pynlong ïa ka jingrai jong u bad un ym kylla dien.

JEREMAÏAH 5:4

Nangta nga la pyrkhat, “Kine ki long tang kiba duk bad ki bym sngewthuh. Ki la leh bieit; kim tip ïa kaei kaba U Blei jong ki u dawa, ïa kaei U Trai u kwah ïa ki ban leh.

JEREMAÏAH 51:5

Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 7:28

Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

JEREMAÏAH 9:3

Ki long borabor kiba kloi ban ïathuh lamler; ka jingbymhok ha ka jaka jong ka jingshisha, ka synshar ïa ka ri. U Trai u ong, “Ki briew jong nga ki leh ïa kawei kaba sniew hadien kawei pat bad kim shym pdiang ïa nga kum U Blei jong ki.”

JEREMAÏAH 9:7

Namar kane U Trai Badonbor Baroh u ong, “Ngan phrang ïa ki briew jong nga kum ïa ka nar bad buh ïa ki ha ka jingtynjuh. Ki briew jong nga ki la leh ïa kaba sniew — sa kaei pat kaba nga lah ban leh bad ki?

ESEKIEL 16:35

Mynta te, ko Jerusalem, pha ka nuti! Sngap ïa kaei kaba U Trai u ong.

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 12:3

U kpa tymmen jong ki u Jakob u la ïaleh ïa u hynmen synrap jong u, u Iso, katba baroh ar ngut ki dang don hapoh ka kpoh ka kmie jong ki; haba u Jakob u la nang san, u ïaleh pyrshah ïa U Blei —

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

JOEL 1:2

To shahshkor, phi ki briew ba la kham rangbah; phi baroh ha Judah, to shahshkor. Hato kaba kum kane ka la ju jia ha ka por jong phi lane ha ka por ki kpa jong phi?

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

AMOS 7:16

Kumta mynta, to shahshkor ïa kaei kaba U Trai u ong. Me bthah ïa nga ban sangeh kaba ïathuhlypa, ban sangeh kaba kren lamwir pyrshah ïa ki briew ka Israel.

MIKAH 6:2

Phi ki lumbah, phi ki nongrim bymjukut jong ka khyndew, to shahshkor ïa ka jingmudui jong U Trai! U Trai u don ka jingmudui pyrshah ïa la ki briew. Un wanrah ïa ka jingkynnoh pyrshah ïa ki Israel.

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

1 KORINTH 15:34

To wan phai pat sha ka jingtipbriew bad sangeh na ki lynti bapop jong phi. Nga pynbna ba phin lehrain ba don hapdeng jong phi ki bymtip ïa U Blei.

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.

JINGPYNPAW 2:29

“Te lada pha don ki shkor, shahshkor ïa kaei kaba U Mynsiem u ong ïa ki balang!