HOSIA 3:5 - Khasi CL Bible (BSI)

⁵ Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

KA BAIBL

⁵ hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

HOSIA 3:5 ပူးပေါင်းရင်းမြစ်များ

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

ISAÏAH 17:7

Haba kata ka sngi ka wan, ki briew kin phai sha U Nongthaw jong ki ban ïoh ïarap, U Blei bakhuid jong ki Israel.

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

ISAÏAH 2:3

bad ki briew jong ki, kin ong, “Ïa ngin kiew ïa u lum jong U Trai, sha ka Templ jong U Blei ka Israel. Un hikai ïa ngi kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai jong U Trai ka wan na Jerusalem; na Seïon u kren ha ki briew jong u.”

ISAÏAH 60:5

Phin sa ïohi ïa kane bad yn pyndap da ka jingkmen. Phin khynñiuh da ka jingsngewkmen. Ki spah jong ki jaitbynriew yn wallam sha pha; na shiliang ka duriaw ki spah jong ki kin wan.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 30:9

Pynban, kin shakri ïa nga, U Trai U Blei jong ki, bad ïa uba hiarpateng na u Dabid, uba ngan pynshong ha ka khet kum u syiem.

JEREMAÏAH 33:17

Ma nga, U Trai, nga kular ba borabor yn don u nonghiarpateng na u Dabid ban long u syiem ki Israel

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 38:8

Hadien bun snem ngan hukum ïa u ba un hiarthma ïa ka ri ha kaba ïa ki briew la wallam biang napdeng shibun ki jaitbynriew bad kiba la im khlem jingsheptieng ïa ka thma. Un hiarthma ïa ki lumbah ka Israel kiba la sah kynjah bad sah shrah la slem bah, hynrei ha kaba mynta ki briew ki shong ha ka jingshngain.

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

HOSIA 11:10

“Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

HOSIA 5:6

Ki shim ïa ki langbrot bad ki jingri jong ki ban ai kum ki jingkñia sha U Trai hynrei kane kan ym wanrah jingbha ei ei ïa ki. Kin ym shem ïa u namar u la iehnoh ïa ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

MIKAH 4:1

Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

JINGKHEIÑ 24:14

U Balaam u ong ha u Balak, “Mynta ngan leit phai pat sha la ki briew, hynrei shuwa ba ngan mih, nga maham lypa ïa phi aïu ki Israel kin leh ïa ki briew jong phi hadien habud.”

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

DEUTERONOMI 4:30

Ynda phi don ha ka jynjar, bad kita kiei kiei baroh ki wan jia ha phi, te ha kaba khatduh phin phai sha U Trai bad kohnguh ïa u.