HOSIA 3:4 - Khasi CL Bible (BSI)

⁴ Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

KA BAIBL

⁴ Namar ki khun Israel kin ïaisah bun sngi khlem syiem, bad khlem rangbah, bad khlem jingkñia, bad khlem mawblei, bad khlem ephod lane teraphim:

HOSIA 3:4 ပူးပေါင်းရင်းမြစ်များ

JENESIS 31:19

U Laban u la leit ban khap shñiuh ïa la ki langbrot, bad ha ka por ba um don ka Rakhel ka la tuh ïa ki blei ïing kiba long ki jong u kpa jong ka.

JENESIS 31:34

Ka Rakhel ka la shim ïa kita ki blei ïing bad ka la lah thep ïa ki hapoh ka jin ut bad ka shong halor jong ki. U Laban la u wad kylleng hapoh kata ka ïingjaiñ, hynrei um lap ïa ki.

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

2 SAMUEL 6:14

U Dabid, uba shu pien tang da ka jaiñ linen, u la shadkmen da ka bor jong u baroh ban burom ïa U Trai.

2 SYIEM 23:24

Khnang ban pyntreikam ïa ki aiñ ba la thoh ha ka Kitab ba u Hilkaïah u Rangbah Lyngdoh u la shem ha ka Templ, u syiem Josaïah u la weng noh na Jerusalem bad ki bynta ka Judah ïa baroh ki nongleh byrtong bad ki nongbatai kupar, bad ïa baroh ki blei ïing, ki bleithaw, bad ki tiar mane blei thala.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

EKSODOS 28:4

Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

EKSODOS 28:6

“Kin suh ïa ka ephod da u 'saiwul uba jngum, uba sawbthuh, bad uba rong saw, u 'sai ksiar, bad da ka jaiñ linen bani.

SNGEWSYNEI 2:9

Ki khyrdop ki la shah tep ha ka kynton ba la pra, ïa ki nar ker jong ki la shoh lyngkhot. U syiem bad ki riewdonburom mynta ki don ha ka jingshah ringmraw. Ïa ka Aiñ ym shym la hikai shuh, bad ki nongïathuhlypa kim don shuh kino kino ki jingïohipaw na U Trai.

ESEKIEL 19:14

Ka met jong u dieng sohwaiñ ka la kem ding; ka ding ka la bam duh ïa ki tnat bad ïa u soh jong u. Ki tnat kin ym long shuh da lei lei kiba khlaiñ, kin ym long shuh da lei lei ki diengsynshar ba kynja syiem. Kane ka dei ka jingrwai jong ka jingsngewsih; la ju rwai bad ïai rwai ïa ka.

ESEKIEL 20:32

Phi la pynbeit ïa la ki jingmut ba phi ïakwah ban long kum kiwei pat ki jaitbynriew, kum ki briew kiba shong basah ha kiwei pat ki ri bad kiba mane ïa ki dieng bad ki mawsiang. Hynrei kata kan ym long da lei lei.

ESEKIEL 21:21

U syiem ka Babilonia u ïeng hajan ka dak jingkdew ha kaba ka lynti ka ïakhlad. Ban tip shano ban leit, u pynkhih ïa ki khnam; u wad jingmut na ki bleithaw jong u; u khmih thuh ïa u khyllai jong u mrad ba la kñia.

ESEKIEL 21:31

Phin mad ïa ka jingbitar jong nga haba nga phai jar jar ha phi kum ka ding baklang. Bad ngan aiti ïa phi ha ki briew bashyrkhei, kiba tbit ha ka ban pynjot.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

HOSIA 13:10

Phi pan ïa u syiem bad ki nongïalam, hynrei mynta kumno ki lah ban pyllait im ïa ka ri?”

HOSIA 13:11

Ha ka jingbitar jong nga, nga la ai ha phi ïa ki syiem, bad ha ka jingbitar shla jong nga, nga la shim noh ïa ki.

HOSIA 2:11

Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.

LEBITIKOS 8:7

U pynphong ïa ka sopti bad pynkup ïa ka barandi ha u Aaron, bad u pynteh ïa u panpoh ha ka syngkai jong u. U pynphong ïa ka ephod ha u, bad u pynskhem ïa ka da kaba teh ïa ki jingteh ba la thain itynnat ha ka syngkai jong u.

SEKHARAÏAH 10:2

Ki briew ki kylli ïa ki bleithaw bad ïa ki nongbatai kupar, hynrei ki jubab kiba ki ïoh ki long ki jinglamler bad ki bym don jingmut. Katto katne ki pyrshang ban batai ïa ki jingphohsniew, hynrei tang ban shu ïalam bakla ïa phi; ka jingpyntngen ba ki ai ka long ka bymmyntoi. Kumta ki briew ki sakma kylleng kum ka langbrot ba la jah. Ki don ha ka jingjynjar namar ba kim don u nongïalam.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

ÏOANNIS 19:15

Ki la pyrta biang, “To pynïap noh ïa u! Pynïap noh ïa u! Sahnarphna ïa u!” U Pilat u la kylli ïa ki, “Phi kwah ïa nga ba ngan sahnarphna ïa u syiem jong phi?” Ki rangbah lyngdoh ki la jubab, “U syiem uba ngi don u dei tang u Patsha!”

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

NONGBISHAR 17:5

Une u Mikah u don la ka ïing mane blei. U shna katto katne ki bleithaw bad ka ephod, bad u thung ïa uwei na ki khun shynrang jong u kum u lyngdoh.

NONGBISHAR 18:14

Nangta kita ki rangbah san ngut kiba la leit syntiat ïa kata ka ri sawdong ka Laish ki ong ha la ki paralok, “Hato phi tip ba hangne ha kawei na kine ki ïing ka don ka bleithaw da ka dieng ba la suit da ka rupa? Ki don ruh kiwei ki bleithaw bad ka ephod. Kaei phi pyrkhat ba ngin leh?”

NONGBISHAR 8:27

U Gideon u shna ka bleithaw na ka ksiar bad u buh ïa ka ha la shnong, ha Ophrah. Baroh ki Israel ki la iehnoh ïa U Blei bad ki la leit shata ban mane ïa ka bleithaw. Ka la long ka jingriam ïa u Gideon bad ïa ka longïing jong u.

1 SAMUEL 14:3

(U lyngdoh uba rah ïa ka ephod u dei u Ahijah, u khun jong u Ahitub uba shi para bad u Ikhabod, uba dei u khun jong u Phinehas bad u khun ksiew jong u Eli, u lyngdoh jong U Trai ha Shiloh.) Ki rangbah kim shym tip ba u Jonathan u la lah mih.

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.

1 SAMUEL 21:9

U Ahimelekh u jubab, “Nga don ka waitlam u Goliath u nong Philistia ïa uba phi la pynïap ha ka Them Elah; ka don ha lyndet ka ephod, kaba la sop da ka jaiñ. Lada phi kwah ïa ka, to shim — dei tang ma ka, ka atiar hangne.” “Ai ïa ka ha nga,” u Dabid u ong. “Ym don hangno hangno ka waitlam kaba kham bha!”

1 SAMUEL 22:18

Kumta u Saul u ong ïa u Doeg, “Ma me, pynïap ïa ki!” — bad u Doeg u la pynïap ïa ki baroh. Ha kata ka sngi u la pynïap phraphew san ngut ki lyngdoh kiba bit ban phong ïa ka ephod.

1 SAMUEL 23:6

Mynba u Abiathar u khun jong u Ahimelekh u la lait phet bad leit ïasoh bad u Dabid ha Keilah, u la rah ïa ka ephod lem bad u.

1 SAMUEL 23:9

Haba u Dabid u tip ba u Saul u la pynkhreh ban tur ïaleh ïa u, u la ong ha u Abiathar u lyngdoh, “Wallam hangne ïa ka ephod.”

1 SAMUEL 30:7

U Dabid u ong ha u Abiathar, u lyngdoh, u khun jong u Ahimelekh, “Wanrah ha nga ka ephod,” bad u Abiathar u wanrah ïa ka ha u.