HOSIA 2:8 - Khasi CL Bible (BSI)

⁸ Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

KA BAIBL

⁸ Naba kam shym la tip ba nga, nga la ai ha ka, ïa u Kew, bad ka Waiñ, bad ka umphniang, bad ba nga la pynroi ha ka, ïa ka rupa bad ka ksiar, ïa kiba ki la pynlong ki durblei Baal.

HOSIA 2:8 ပူးပေါင်းရင်းမြစ်များ

1 KHRONIKL 29:16

A Trai, U Blei jong ngi, ngi la wallam lang ïa kane ka spah baroh ban tei ïa ka Templ ban pyndonburom ïa ka kyrteng bakhuid jong me, hynrei kane baroh ka la wan na me bad ka long ka jong me.

Ka Kitab U Job 19:8

U Blei u la khang ïa ka lynti, bad ngam lah ban ïaid lyngba; u la buhrieh ïa ka lynti jong nga ha ka jingdum.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 46:6

Ki briew ki plied ïa la ki pla pisa bad ki theh shabar ïa ka ksiar; ki thew ïa ka rupa ha ki tarajur. Ki ainong ïa u bania ban shna durblei; nangta ki dem ngon bad mane ïa ka!

JEREMAÏAH 7:18

Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

ESEKIEL 23:41

Ki da shong ha ki jingthiah ba-itynnat, bad ha khmat jong ki kin buh ïa ka miej ba la dap da kiei kiei kiba bha, ba kynthup ïa ki jingiwbih bad ka umphniang Olib kaba nga la ai ha ki.

DANIEL 3:1

U syiem Nebukhadnessar u la phah thaw ka durbriew ksiar, arphew hynñiew mitar ka kynjang bad jan lai mitar ka pyngkiang, bad u la phah pynïeng ïa ka ha ka pyntha Dura ha ka probins jong ka Babilon.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

HOSIA 13:1

Ha ki por mynshuwa, haba ka jait Ephraim ka la kren, kiwei pat ki jait Israel ki la sheptieng; ki peit sha u Ephraim. Hynrei ki briew ki la leh pop da kaba mane ïa u Baal, bad na ka bynta kane kin sa ïap.

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 4:11

U Trai u ong, “Ka waiñ, kaba rim bad kaba thymmai ruh, ka pyntlot ïa ka bor pyrkhat ki briew jong nga!

HOSIA 8:4

“Ki briew jong nga ki la jied ïa ki syiem. Hynrei ki la leh ïa kata ha la ka jong ka lynti. Ki thung ïa ki nongïalam, hynrei khlem ka jingpynskhem jong nga. Ki shim ïa ka rupa bad ka ksiar jong ki bad ki thaw ïa ki bleithaw — na ka bynta ka jingjot jong ki hi.

HABAKKUK 1:16

Ki mane wat ïa ki jar tong dohkha jong ki bad ai jingkñia ha ki, namar ki jar jong ki, ki pyndap ïa ki da kiei kiei baroh kiba bha tam.

LOUKAS 15:13

Hadien khyndiat sngi, u khun ba kham rit u la die ïa ka bynta jong ka jingdon jingem jong u bad u la mihnoh na ïing lem bad ka pisa. U la leit sha ka ri kaba jngai, ha kaba u la pynsyrwa ei ïa ka pisa jong u ha ka jingim ba-thurmur.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

DEUTERONOMI 8:18

Kynmaw ba dei U Trai U Blei jong phi uba ai spah ïa phi, ba un ïoh pynskhem haduh kane ka sngi ïa kata ka jutang ba u la pynlong bad ki kpa tymmen jong phi.

NONGBISHAR 9:27

Baroh ki ïaleit sha la ki bri sohwaiñ bad kheit ïa ki sohwaiñ, ki shna waiñ na ki, bad ki pynlong ka jingïaleh kmen. Ki leit sha ka templ jong u blei jong ki, ha kaba ki la ïabam bad ïadih bad ki krenbeiñ ïa u Abimelekh.