HOSIA 2:7 - Khasi CL Bible (BSI)

⁷ Kan leit beh nadien ïa kiba ieit jong ka, hynrei kan ym lap ïa ki. Kan wad ïa ki hynrei kan ym shem ïa ki. Te kan sa ong, “Ngan leit phai noh sha u tnga uba nyngkong jong nga — nga kham bit kham biang myn ha kata ban ïa kaba nga long mynta.”

KA BAIBL

⁷ Te kan bud ïa ki ba-ieit jong ka, hynrei, kan ym lap ïa ki; kan wad ruh ïa ki, hynrei, kan ym shem: te kan sa ong, ‘Ngan leit phai sha la u tnga trai; namar myn ha kata ka la long kham bha bad nga ban ïa mynta.’

HOSIA 2:7 ပူးပေါင်းရင်းမြစ်များ

2 KHRONIKL 28:23

U kñia ki jingainguh ha ki blei jong ki Syria, kiba la jop ïa u. U ong, “Ki blei jong ki Syria ki la ïarap ïa ki syiem Syria, kumta lada nga ai jingkñia sha ki, ki lah ban ïarap ïa nga ruh.” Kane ka la wanrah jingpynjot ïa u bad ha ka hima jong u.

SALM 116:7

To sngewskhem, ko mynsiem jong nga, namar U Trai u la lehbha ïa nga.

ISAÏAH 30:16

Pynban, phi thmu ban lait im na ki nongshun jong phi da kaba shong ha ki kulai bastet. Phi pyrkhat ïa kaba dei — ka jinglait im ka long kaei kaba phi donkam! Phi pyrkhat ba ki kulai jong phi ki long kiba stet bha, hynrei kito kiba beh nadien jong phi ki kham stet!

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

ESEKIEL 16:18

Pha la shim ïa ki jaiñ ba la suh syntiew kiba nga lah ai ha pha bad pha buh ïa ki halor ki durblei, bad pha ainguh ïa ki durblei da ka umphniang Olib bad ka jingiwbih kaba nga la lah ai ha pha.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

ESEKIEL 20:32

Phi la pynbeit ïa la ki jingmut ba phi ïakwah ban long kum kiwei pat ki jaitbynriew, kum ki briew kiba shong basah ha kiwei pat ki ri bad kiba mane ïa ki dieng bad ki mawsiang. Hynrei kata kan ym long da lei lei.

ESEKIEL 23:12

Ka ruh ka dap da ka jingkwah brai ïa ki riew kynsai bad ki rangbah shipai nong Assyria — ki shipai ha ki riam shipai baphyrnai — bad ïa ki samla shipai ba-bhabriew, baroh kito ki samla shynrang ba-bhabriew.

ESEKIEL 23:22

“Mynta te, ko Oholibah, kane ka long kaei kaba ma nga, U Trai Nongsynshar, nga ong ha pha. Pha la thait ïa kito ki nongleh-ieit, hynrei ngan pynlong ïa ki ban bitar ïa pha bad ngan wallam ïa ki ban ker sawdong ïa pha.

ESEKIEL 23:4

Kaba kham shuwa ka kyrteng ka Oholah (ka mih pli ïa ka Samaria), bad kaba hadien ka kyrteng ka Oholibah (ka mih pli ïa ka Jerusalem). Nga shongkurim ïa ki baroh ar ngut, bad ki kha ïa ki khun ïa nga.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 2:16

Nangta sa shisien pat kan sa khot biang ïa nga u tnga jong ka — kan ym khot shuh ïa nga u Baal jong ka.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”