HOSIA 2:5 - Khasi CL Bible (BSI)

⁵ Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

KA BAIBL

⁵ Namar ka kmie jong ki ka la leh nuti: kata kaba la pun ïa ki, ka la leh khlem rain: namar ka la ong, ‘Ngan leit bud ïa ki ba-ieit jong nga, kiba ai ïa nga la u kpu bad la ka um, la u 'saiwul bad la u 'saihon, la ka umphniang bad la ki jingdih.’

HOSIA 2:5 ပူးပေါင်းရင်းမြစ်များ

ISAÏAH 1:21

Ka nongbah kaba shisien ka la long kaba lah ban shaniah ka la leh kum ka nuti! Ha kawei ka por ka la dap da ki rangbah bahok, hynrei mynta ki sah tang ki nongpynïap briew.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

ESEKIEL 16:35

Mynta te, ko Jerusalem, pha ka nuti! Sngap ïa kaei kaba U Trai u ong.

ESEKIEL 16:39

Ngan buh ïa pha ha ka bor jong ki, bad kin pynkhyllem ïa ki jaka ha kiba pha ïaleh nuti bad mane bleithaw. Kin shim noh ïa ki jaiñ bad ïa ki mawlynnai jong pha bad kin iehnoh lyngkhuit khoit ïa pha.

ESEKIEL 16:4

Haba la kha ïa pha, ym don mano mano ban ot ïa u sohpet jong pha lane pynsum ïa pha lane kyllan mluh ïa pha lane sop ïa pha da ka jaiñ.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

HOSIA 4:5

Mynmiet bad mynsngi phi ïaid bakla, bad ki nongïathuhlypa kim long kham bha ban ïa phi. Ngan sa pynjot ïa ka Israel, ka kmie jong phi.

HOSIA 8:9

Ki long kiba mutlop kum ki kada khlaw, ki paid Israel kin ïaid ha la ka jong ka lynti. Ki la leit ban wad jingïarap na ki Assyria, bad ki la siew ruh ïa kiwei pat ki jaitbynriew ban ïada ïa ki.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

AMOS 8:13

Ha kata ka sngi, wat ki samla shynrang bad kynthei kiba koit bakhiah kin kyllon na ka jingsliang.

NONGBISHAR 16:23

Ki syiem Philistia ki ïalumlang ban ïaleh sngewbha bad ban ai ïa ka jingainguh kaba khraw ïa u Dagon u blei jong ki. Ki ïarwai, “U blei jong ngi u la ai ha ngi ka jingjop ïa u Samson u nongshun jong ngi.”