HOSIA 2:4 - Khasi CL Bible (BSI)

⁴ Ngan ym pyn-i jingisynei ïa ki khun jong ka; ki long ki khun jong ka nuti bym don jinglehrain.

KA BAIBL

⁴ shisha, ngan ym isynei ïa ki khun jong ka ruh; namar ki long ki khun jong ki jingklim.

HOSIA 2:4 ပူးပေါင်းရင်းမြစ်များ

2 SYIEM 9:22

“Hato me wan ha ka jingsuk?” u Joram u kylli ïa u. U Jehu u jubab, “Kumno kan don ka jingsuk haba ngi dang don baroh ki jingleh byrtong bad ki jingmane bleithaw kiba ka Jesebel ka kmie jong me ka la sdang?”

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

JEREMAÏAH 16:5

“Mem dei ban rung shapoh ka ïing ha kaba don ka jingïambriew. Wat ym ïam sngewsih na ka bynta jongno jongno. Ngan ym kyrkhu shuh ïa ki briew jong nga da ka jingsuk lane pyn-i ha ki ïa ka jingieit bad ka jingisynei.

ESEKIEL 23:25

Namar ba nga bitar ïa pha, ngan shah ïa ki ban leh ïa pha ha ka jingbitar jong ki. Kin ot ïa ka khmut jong pha bad ïa ki shkor jong pha bad kin pynïap ïa ki khun jong pha. Ho-oid, kin shim ïa ki khun shynrang bad khun kynthei na pha bad kin thang im ïa ki.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

ESEKIEL 9:10

Hynrei ngan ym isynei ïa ki, Ngan leh ha ki ïa kaei kaba ma ki, ki la leh ïa kiwei.”

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 1:6

Ka Gomer ka la kha ïa i khun ba ar — ha kane ka por da i kynthei. U Trai u la ong ha u Hosia, “Pynkyrteng ïa ka, ‘ka Lo-Ruhamah’ namar ngan ym pyn-i jingieit shuh ïa ki briew ka Israel, lane map ïa ki.

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

SEKHARAÏAH 1:12

Nangta u angel u la ong, “A Trai Badonbor Baroh, me la bitar ïa ka Jerusalem bad ïa ki nongbah jong ka Judah haduh hynñiewphew snem mynta. Slem sa katno kan long ha shuwa ba men pyn-i ha ki ka jingisynei?”

ÏOANNIS 8:41

Phi leh ïa kaei kaba u kpa jong phi u la leh.” “Tang U Blei hi u dei U Kpa uba ngi don,” ki la jubab, “bad ngi long ki khun bashisha jong u.”

Ka Shithi U Paul Sha Ki Nong Rom 11:22

Hangne ngi ïohi katno U Blei u long uba sbun bad katno u long uba eh. U long uba eh ïa kito kiba la kyllon, hynrei uba sbun ïa phi — lada phi ïaineh ha ka jingsbun jong u. Hynrei lada phim leh kumta, ma phi ruh phin sa shah pynkheiñ.

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.