HOSIA 2:23 - Khasi CL Bible (BSI)

²³ Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

KA BAIBL

²³ Bad ngan bet ïa ka ha nga ha ka khyndew; te ngan isynei ïa ka bym shym la ïoh jingisynei; ngan ong ruh ha kita ki bym shym la long u paidlang jong nga, ‘Me long u paidlang jong nga;’ ki te kin ong, ‘Me long U Blei jong nga.’ ”

HOSIA 2:23 ပူးပေါင်းရင်းမြစ်များ

SALM 118:28

Me long U Blei jong nga, bad nga ainguh ïa me; ngan pynbna ïa ka jingkhraw jong me.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 68:31

Ki nongkit 'tiensyiem kin wan na Ijipt; ki nong Sudan kin rah ïa la ki kti ha ka jingduwai ha U Blei.

SALM 72:16

Ai ba yn don kyrhai u riewhadem ha ka ri; ai ba ïa ki lumrit yn tap da ki jingthung, kiba seisoh kum kito ki jong ka Lebanon. Ai ba ki nongbah kin dap da ki briew, kum ki pyntha kiba shlei da u phlang.

JINGRWAI SOLOMON 2:16

Uba ieit jong nga u dei u jong nga hi, bad nga dei ka jong u. U bsa ïa la ka kynhun langbrot hapdeng ki 'tiew lili

ISAÏAH 44:5

“Uwei hadien uwei, ki briew kin ong, ‘nga long u jong U TRAI’. Kin ïawan ban ïasnoh bad u paid Israel. Uwei pa uwei un shon ha ka ksang'ti jong u ïa ka kyrteng jong U Trai bad un khot ïa lade uwei na ki briew U Blei.”

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 31:27

“Ma nga, U Trai, nga ong ba ka por kan wan haba ngan pyndap ïa ka ri Israel bad Judah da ki briew bad ki mrad.

JEREMAÏAH 32:38

Te kin long ki briew jong nga, bad ngan long U Blei jong ki.

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

ESEKIEL 36:29

Ngan pyllait ïa phi na kata baroh kaba pyntngit ïa phi. Ngan hukum ïa u kew ba un bun kyrhai, khnang ba phin ym mad shuh ïa ki jingïapthngan.

HOSIA 1:6

Ka Gomer ka la kha ïa i khun ba ar — ha kane ka por da i kynthei. U Trai u la ong ha u Hosia, “Pynkyrteng ïa ka, ‘ka Lo-Ruhamah’ namar ngan ym pyn-i jingieit shuh ïa ki briew ka Israel, lane map ïa ki.

HOSIA 8:2

Wat lada ki khot ïa nga U Blei jong ki bad ki kam ba ki dei ki briew jong nga bad ba ki tip ïa nga,

SEKHARAÏAH 10:9

Wat la nga la pynsakma ïa ki hapdeng ki jaitbynriew, pynban ha ki jaka kiba jngai eh kin kynmaw ïa nga. Ma ki bad ki khun jong ki kin lait im bad kin wan phai lang sha ïing.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

SEKHARAÏAH 14:16

Nangta baroh na kiba lait im na ki jaitbynriew kiba la tur ïaleh ïa ka Jerusalem kin leit shata man la ka snem ban mane ïa U Trai Badonbor Baroh kum u syiem bad ban rakhe ïa ka Jingkhawai Niam Ki Ïingtrep.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

Ka Shithi U Paul Sha Ki Nong Rom 3:29

Lane ba U Blei u long U Blei tang jong ki Jiw? Hato um dei U Blei jong ki Jentil ruh? Da shisha u dei.

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.