HOSIA 2:22 - Khasi CL Bible (BSI)

²² bad ka khyndew kan pynmih ïa u kew, bad ki sohwaiñ, bad ki soh Olib.

KA BAIBL

²² bad ka khyndew kan phai ktien ïa u Kew, bad ïa ka Waiñ, bad ïa ka umphniang; ki ruh kin phai ktien ïa ka Jesril.

HOSIA 2:22 ပူးပေါင်းရင်းမြစ်များ

ISAÏAH 62:4

Yn ym khot shuh ïa pha, “Kaba la shah iehnoh,” ne ïa ka ri jong pha yn khot, “Ka tnga ba la shah iehnoh.” Ka kyrteng bathymmai jong pha kan long “U Blei u sngewbha ïa ka.” Ïa ka ri jong pha yn khot, “Ka jingshongkurim kaba suk,” naba U Trai u sngewbha eh ïa pha, bad un long kum u tnga ïa ka ri jong pha.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

HOSIA 1:4

U Trai u la ong ha u Hosia, “Pynkyrteng ïa u, u ‘Jesreel,’ namar kan ym slem shuh shuwa ba ngan pynshitom ïa u syiem ki Israel namar ki kam pynïap briew ba u kpa tymmen jong u, u Jehu u la leh ha Jesreel. Ngan pynkut noh ïa ka jingsynshar na ka longïing syiem jong u Jehu.

HOSIA 14:7

Sa shisien pat kin shong hapoh ka jingïada jong nga. Kin thung ïa u kew bad seisoh kum ka bri sohwaiñ. Kin pawnam kum ka waiñ jong ka Lebanon.

JOEL 2:19

U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.