HOSIA 2:20 - Khasi CL Bible (BSI)

²⁰ Ngan bat ïa ka kular jong nga bad nga pynlong ïa pha ka jong nga, bad phan sa pdiang ïa nga kum U Trai.

KA BAIBL

²⁰ Ngan ïatehktien ruh ïa pha ha nga ha ka jingïaineh: te phan ithuh ïa U Trai.

HOSIA 2:20 ပူးပေါင်းရင်းမြစ်များ

JENESIS 9:10

bad baroh ki jingthaw ba-im — ki sim, bad ki mrad baroh — kat kiba la wan mih lang bad phi na kata ka lieng.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

ISAÏAH 62:4

Yn ym khot shuh ïa pha, “Kaba la shah iehnoh,” ne ïa ka ri jong pha yn khot, “Ka tnga ba la shah iehnoh.” Ka kyrteng bathymmai jong pha kan long “U Blei u sngewbha ïa ka.” Ïa ka ri jong pha yn khot, “Ka jingshongkurim kaba suk,” naba U Trai u sngewbha eh ïa pha, bad un long kum u tnga ïa ka ri jong pha.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

ESEKIEL 16:62

Ngan pynthymmai ïa ka jutang jong nga bad pha, bad phan tip ba nga long U Trai.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

ESEKIEL 34:27

Ki dieng kin sei ïa u soh, ki lyngkha kin pynmih ïa ki jingthung, bad uwei pa uwei un shongshngain ha la ka ri. Ynda haba nga dkhat ïa ki kynjri kiba teh ïa ki briew jong nga bad nga pyllait ïa ki na kito kiba pynlong mraw ïa ki, te kin sa tip ba nga long U Trai.

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

HOSIA 2:19

Ko Israel, ngan pynlong ïa pha ka tnga jong nga; ngan lehhok bad ïaineh; ngan pyn-i ïa pha ïa ka jingieit baneh bad ïa ka jingisynei bad ngan pynlong ïa pha ka jong nga junom.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

LEBITIKOS 26:5

Ki jingmih kin long kiba bun katta katta ba phin dang ot hi ïa u kew wat haba ka la dei ka por kheit sohwaiñ, bad phin dang kheit hi ïa kita ki soh wat haba ka la dei ka por bet kew. Phin ïoh bam kat kaba phi kwah, bad phin ïoh im suk im saiñ ha la ka ri.

LEBITIKOS 26:6

“Ngan ai ïa ka jingsuk ha ka ri jong phi, bad phin thiah phin dem khlem tieng ïano ïano. Ngan ym shah ban don ki mradkhlaw kiba runar ha kata ka ri, bad ka thma kan ym don shuh hangta.

MIKAH 4:3

Un pynbeit ïa ki jingïakajia hapdeng ki jaitbynriew, hapdeng ki bor bakhraw hajan bad hajngai. Kin shoh tyrnem ïa la ki waitlam ban pynlong ki lyngkor bad ïa ki sum sha ki wait ngor tnat dieng. Ki jaitbynriew kin ym ïaleh thma shuh, kin ym pynkhreh shuh ban ïaleh thma.

SEKHARAÏAH 9:10

U Trai u ong, “Ngan weng noh ïa ki kali thma na Israel bad shim ïa ki kulai na Jerusalem; ïa ki ryntieh ba la pyndonkam ha ka thma yn pynjot. U syiem jong phi un pynlong jingïasuk hapdeng ki jaitbynriew; un synshar na ka duriaw sha ka duriaw, na ka wah Ïuphratis sha kiba kut jong ka pyrthei.”

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

HEBRU 8:11

Yn ym don na ki u ban hikai ïa la u para shnong lane ong ïa la u para ri, ‘To tip ïa U Trai.’ Namar baroh kin tip ïa nga, naduh uba rit tam haduh uba khraw tam.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.