HOSIA 2:2 - Khasi CL Bible (BSI)

² Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

KA BAIBL

² “Kyrpad ïa la ka kmie, to kyrpad; namar kam long ka tnga jong nga, lymne ngam long u tnga jong ka: bad to kan bred noh ïa la ki jingklim na khmat jong ka, bad ïa ki jingleh nuti jong ka napdeng ki jymbuiñ jong ka;

HOSIA 2:2 ပူးပေါင်းရင်းမြစ်များ

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 19:3

U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

ESEKIEL 16:20

“Nangta pha la shim ïa ki khun shynrang bad ki khun kynthei kiba pha la kha ïa nga bad pha la ainguh ïa ki kum ka jingkñia ha ki bleithaw. Hato kam shym long kaba sniew eh ban ym ïaineh ha nga,

ESEKIEL 16:25

Pha pynbyrsieh ïa la ka jingbhabriew ha ka ktieh, pha ai ïa lade ha uwei pa uwei uba wan najan, bad pha la kham long kum ka nuti man la ka sngi.

ESEKIEL 20:4

“Hato me la kloi ban ai ïa ka jingrai halor jong ki, ko khun u briew? Te to leh kumta. Pynkynmaw ïa ki shaphang kiei kiei kiba ijli kiba ki kpa jong ki, ki la leh.

ESEKIEL 23:43

Bad nga ong ha lade ba ki pynlong ïa ki kum ka nuti ïa ka briew kaba la ngam ha ka jingklim.

ESEKIEL 23:45

Ki briew bahok kin pynrem ïa ki halor ka daw jong ka jingawria bad jingpynïap briew, namar ki ïai klim bad ki kti jong ki, ki bit da ka snam.”

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 2:1

Kumta khot ïa ki para Israel “Ki briew jong U Blei” bad “kiba ieit da U Trai.”

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 4:5

Mynmiet bad mynsngi phi ïaid bakla, bad ki nongïathuhlypa kim long kham bha ban ïa phi. Ngan sa pynjot ïa ka Israel, ka kmie jong phi.

MIKAH 2:13

U Blei un plie ïa ka lynti na ka bynta jong ki bad un ïalam noh ïa ki na ka jingshah ringmraw. Kin mih bran na ki khyrdop ka nongbah bad kin long kiba laitluid. U syiem jong ki, U Trai da lade hi, un ïalam ïa ki shabar.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.