HOSIA 2:18 - Khasi CL Bible (BSI)

¹⁸ Ha kata ka por, ngan pynlong ka jutang bad baroh ki mradkhlaw bad ki sim, khnang ba kin ym pynmynsaw shuh ïa ki briew jong nga. Ngan weng noh ruh ïa baroh ki tiar thma na ka ri, baroh ki waitlam bad ki ryntieh, bad ngan ailad ba ki briew jong nga kin ïoh im ha ka jingsuk bad jingshngain.

KA BAIBL

¹⁸ Te ha kata ka sngi, ngan pynlong ka jutang na ka bynta jong ki bad ki mrad khlaw, bad ki sim bneng, bad ki kynja bapar jong ka khyndew: ngan pynkheiñ ruh ïa ka ryntieh bad ïa ka waitlam bad ïa ka thma na ka ri, bad ngan pynthiah suk ïa ki.

HOSIA 2:18 ပူးပေါင်းရင်းမြစ်များ

Ka Kitab U Job 5:22

Men rkhie ïa ka jingleh thombor bad ïa ka jingïapthngan, bad men ym sheptieng ïa ki mradkhlaw.

Ka Kitab U Job 5:23

Ki lyngkha ba me pynlur kin lait na ki mawsiang; ki mradkhlaw kin ym tur ïaleh ïa me.

SALM 148:10

baroh ki mrad ba la pynjuh bad kiba ha khlaw, ki mrad bapar bad ki sim.

SALM 23:2

U shah ba ngan shong jahthait ha ki madan phlang bajyrngam bad u ïalam ïa nga sha ki pung-um basngur kiba jai jai.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

ISAÏAH 26:1

Ka sngi kan wan haba ki briew kin rwai ïa kane ka jingrwai ha ri Judah: Ka nongbah jong ngi ka long kaba skhem! U Blei da lade hi u ïada ïa ki kynroh jong ka!

ISAÏAH 32:18

Ki briew jong U Blei kin lait na ki jingkhuslai, bad ki ïing jong ki kin suk bad kin shngain.

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

ISAÏAH 65:25

Ki suri bad ki khunlangbrot kin ïabam lang, ki sing kin bam phlang, kumba bam ki masi, bad ki bseiñ kin ym long shuh ka jingma. Ha Seïon, u lum bakyntang jong nga yn ym don shuh ka jingma ne kaba sniew.”

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

ESEKIEL 39:1

U Trai Nongsynshar u ong: “Ko khun u briew, to kren pyrshah ïa u Gog, u nongsynshar rangbah jong ki jaitbynriew ka Meshekh bad ka Tubal bad ïathuh ïa u ba nga long u nongshun jong u.

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

SEKHARAÏAH 3:10

Haba kata ka sngi ka wan, uwei uwei na phi un khot sngewbha ïa la u paramarjan ban wan bad ban lehkmen ïa ka jingsuk bad ka jingshngain, ba la ker sawdong da ki bri sohwaiñ bad ki diengsoh Dumbur.”

SEKHARAÏAH 9:10

U Trai u ong, “Ngan weng noh ïa ki kali thma na Israel bad shim ïa ki kulai na Jerusalem; ïa ki ryntieh ba la pyndonkam ha ka thma yn pynjot. U syiem jong phi un pynlong jingïasuk hapdeng ki jaitbynriew; un synshar na ka duriaw sha ka duriaw, na ka wah Ïuphratis sha kiba kut jong ka pyrthei.”