HOSIA 2:14 - Khasi CL Bible (BSI)

¹⁴ Te ngan leit ïalam biang ïa ka sha ri shyiap; hangta ngan khroh biang ïa ka da ki ktien ieit.

KA BAIBL

¹⁴ “Namar kata, ha khmih, ngan ring pah ïa ka, bad ngan wallam ïa ka sha ka ri kynjah, ngan kren sngewbha ruh ha ka.

HOSIA 2:14 ပူးပေါင်းရင်းမြစ်များ

JENESIS 34:3

Hynrei haba u shem ba ka samla ka long kaba i-ieit kat haduh ba u la ïapmat ïa ka, bad u la pyrshang ban ïoh ïa ka jingsngewieit na ka.

Ka Kitab U Job 36:16

U Blei u la wallam noh ïa phi na ka jingjynjar bad u shah ïa phi ban kmen ha ka jingshngain; ka miej jong phi ka shlei da ka jingbam.

JINGRWAI SOLOMON 1:4

To shim ïa nga bad phi, bad ngin ïaphet noh; to long u syiem jong nga bad shim ïa nga sha ka kamra jong phi. Ngin ïakmen lang, ngin ïadih bun bad pyllaitluid war ïa lade ha ka jingieit. Kam long kaba phylla ba baroh ki kynthei ki ieit ïa phi!

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

JEREMAÏAH 16:14

U Trai u ong, “Ka por ka wan haba ki briew kin ym smai shuh da nga kum U Blei uba im uba la wallam ïa ki paid Israel na ka ri Ijipt.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

ESEKIEL 20:10

“Bad kumta nga la ïalam noh ïa ki na Ijipt sha ka ri shyiap.

ESEKIEL 20:33

“Kumba da shisha ma nga, U Trai Nongsynshar, nga long U Blei uba im, nga maham ïa phi ba ha ka jingbitar jong nga ngan synshar halor jong phi da ka ksang'ti kaba khlaiñ, da ka bor jong nga baroh.

HOSIA 2:3

Lada kam sangeh, ngan law lyngkhuit ïa ka kumba ka la long ha ka sngi ba la kha ïa ka. Ngan pynlong ïa ka, kum ka ri kaba tyrkhong bad ka bymseisoh, bad kan sa ïap namar ka jingsliang.

MIKAH 1:7

Ïa ki bleithaw bakordor jong ka baroh yn pynpait lyngkhot, baroh kaba la ai sha ki nuti ka templ yn pynjot ha ka ding, bad ki durblei jong ka baroh kin long ka kynton ba la shu ieh. Ka Samaria ka la lum ïa kine kiei kiei na ka bynta ki jinglehniam ba pynseisoh, bad mynta ki nongshun jong ka kin rah noh ïa ki na ka bynta ki nuti ka templ shawei pat.”

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

ÏOANNIS 12:32

Ynda la kyntiew ïa nga na ka pyrthei, ngan khring ïa ki briew baroh sha nga.”

ÏOANNIS 6:44

Ym don uba lah ban wan sha nga lymda U Kpa uba la phah ïa nga u pynwan ïa u sha nga; bad ngan pynmihpat ïa u ha ka sngi kaba khatduh.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

NONGBISHAR 19:3

Te uta u briew u leit bud ïa ka bad u pyrshang ban khroh ïa ka ba kan wan phai pat sha u. U ïalam bad u ïa uwei u shakri bad ar tylli ki kada. Ka kynthei ka ïalam ïa u Lebi sha ïing, bad haba u kpa jong ka u ïohi ïa u, u pdiang sngewbha ïa u da kaba kmen.