HOSIA 2:13 - Khasi CL Bible (BSI)

¹³ Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

KA BAIBL

¹³ Bad ngan pynhap kput halor jong ka, ïa ki sngi ki Baal, ha kiba ka la thang jingiwbih; haba ka la pyndeng ïa lade da la ki sohshkor bad da la ki jingdeng, bad ka la leit bud ïa la ki ba-ieit, ka la klet ïa nga ruh,” ong U Trai.

HOSIA 2:13 ပူးပေါင်းရင်းမြစ်များ

2 SYIEM 1:2

U Ahasaïah, u syiem Israel u la hap na ka jaka jngoh kai halor ka tnum jong ka ïingsyiem jong u ha Samaria, bad u la mynsaw jur. Kumta u phah katto katne ki nonglamktien ban kylli ïa u Baalsebub, u blei jong ka Ekron, ka nongbah Philistia, khnang ban tip la un ïohkhiah ne em.

2 SYIEM 10:28

Da kumta u Jehu u la pynduh pyndam ïa ka jingmane ïa u Baal ha Israel.

2 SYIEM 21:3

U tei pat ïa ki jaka mane blei thala ïa kiba u Hesekaïah u kpa jong u, u la pynjot; u la tei ki duwan ban mane ïa u Baal bad thaw ïa ka dur jong ka blei Asherah, kumba u Ahab u syiem Israel u la leh. U Manasseh u la mane ruh ïa ki khlur.

Ka Kitab U Job 8:13

Ki briew kiba khlem Blei ki long kum kito ki khah; ka jingkyrmen jong ki ka duh noh, shisien ba la klet ïa U Blei.

SALM 106:13

Hynrei shen ki klet noh ïa kaei kaba u la leh bad ki la leh khlem ap ïa ka jingai jingmut jong u.

SALM 106:21

Ki la klet ïa U Blei uba la pyllait im ïa ki da ki kam badonbor jong u ha Ijipt.

SALM 78:11

Ki la klet ïa kaei kaba u la leh, ki kambah kiba ki lah ïohi ïa u ba u leh.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

ISAÏAH 17:10

Ko Israel, pha la klet noh ïa U Blei uba la pyllait ïa pha bad uba la ïada ïa pha kum u mawsiang bah. Pynban, pha la thung ki kper bakyntang khnang ban mane ïa u blei nongwei.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 2:32

Hato ka samla kan klet ïa ki jingdeng jong ka, lane ka nongleitkurim ïa ka jaiñ kyntiew kurim jong ka? Hynrei ki briew jong nga ki la klet ïa nga bun bun sngi ban ïa kaba lah ban ñiew.

JEREMAÏAH 23:2

Kane ka long kaei ba U Trai, U Blei ki Israel, u ong shaphang ki nongsynshar kiba la tharai ba kin sumar ïa ki briew jong u: “Phim shym la sumar bha ïa ki briew jong nga; phi la pynsakma ïa ki bad phi la beh noh ïa ki. Mynta ngan pynshitom ïa phi namar ka jingbymman jong phi kaba phi la leh.

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

SNGEWSYNEI 1:4

Ym don mano mano ba wan sha ka Templ mynta ban mane ha ki sngi bakhuid. Ki kynthei samla kiba rwai hangta ki shahshitom, bad ki lyngdoh ki lah tang ban shu ud. Ki khyrdop ka nongbah ki ïeng thylli, bad ka Seïon ka don ha ka jingkordit.

SNGEWSYNEI 5:14

Ki tymmen kim shong shuh ha ka khyrdop nongbah, bad ki samla kim tem jingtem shuh.

ESEKIEL 16:12

Nga la ai ha pha ïa ka sati khmut bad ki sohshkor bad ka pansngiat ba-itynnat ban phong.

ESEKIEL 16:17

Pha la shim ïa ki jingdeng ksiar bad rupa jong pha kiba nga lah ai ha pha, ban thaw ki durblei shynrang, bad leh awria bad ki.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 23:35

Mynta kane ka long kaei kaba U Trai Nongsynshar u ong: “Namar pha la klet ïa nga bad pha phai dadien ïa nga, phan sa shahshitom na ka bynta ka jingkwah brai jong pha bad ka jingleh nuti jong pha.”

HOSIA 11:2

Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

HOSIA 13:1

Ha ki por mynshuwa, haba ka jait Ephraim ka la kren, kiwei pat ki jait Israel ki la sheptieng; ki peit sha u Ephraim. Hynrei ki briew ki la leh pop da kaba mane ïa u Baal, bad na ka bynta kane kin sa ïap.

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 2:7

Kan leit beh nadien ïa kiba ieit jong ka, hynrei kan ym lap ïa ki. Kan wad ïa ki hynrei kan ym shem ïa ki. Te kan sa ong, “Ngan leit phai noh sha u tnga uba nyngkong jong nga — nga kham bit kham biang myn ha kata ban ïa kaba nga long mynta.”

HOSIA 4:13

Ha ki jaka kyntang ha kliar ki lumbah ki kñia ainguh, bad ha ki lumrit ki thang jingiwbih hapoh ki dieng kiba jrong bad kiba ïar namar ka jingkahtngen jong ki ka long kaba sngewtynnat! “Kaba mih nangta, ki khun kynthei jong phi ki ïaleh nuti, bad ki pyrsa kurim kynthei jong phi ki ïaklim.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

DEUTERONOMI 32:18

Ki la klet ïa la U Blei, u nongpynim bakhrawbor jong ki, uta uba la ai ha ki ka jingim.

DEUTERONOMI 6:12

kynmaw ba phin ym klet ïa U Trai uba la pyllait ïa phi na ka ri Ijipt, ha kaba phi la long ki mraw.

NONGBISHAR 10:6

Sa shisien pat ki Israel ki la leh pop pyrshah ïa U Trai da kaba mane ïa ki Baal bad ïa ki Astarte, lem bad ïa ki blei jong ki Syria, jong ki Sidon, jong ki Moab, jong ki Ammon, bad jong ki Philistia. Ki la iehnoh ïa U Trai bad ki la sangeh ban mane ïa u.

NONGBISHAR 3:7

Ki paid Israel ki la klet ïa U Trai U Blei jong ki; ki la leh pop pyrshah ïa u bad mane ïa ki bleithaw Baal bad Asherah.

1 SAMUEL 12:9

Hynrei ki briew ki la klet noh ïa U Trai U Blei jong ki, bad kumta u la shah ïa ki Philistia bad ïa u syiem Moab bad ïa u Sisera, u rangbah ka kynhun shipai ka nongbah Hasor, ban ïaleh pyrshah ïa ki kpa tymmen jong phi bad ban jop ïa ki.