HOSIA 2:11 - Khasi CL Bible (BSI)

¹¹ Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.

KA BAIBL

¹¹ Te ngan pynkut noh ïa ka jingkmen jong ka baroh, ïa ki jingkhawai jong ka, ïa ki 'nai thymmai jong ka, bad ïa ki Sabbaton jong ka, bad ïa Ki Jingkhawai Niam jong ka baroh.

HOSIA 2:11 ပူးပေါင်းရင်းမြစ်များ

1 SYIEM 12:32

U Jeroboam u seng ruh ïa ka jingkhawai niam ha ka sngi kaba khatsan jong u bnai uba phra, kum ka jingkhawai niam kaba ha Judah. Ha ka duwan kaba ha Bethel u la kñia ïa ki jingainguh ha kita ki khun masi ksiar kiba u la shna, bad u buh hangta ha Bethel ïa ki lyngdoh kiba shakri ha ki jaka mane kiba u la tei.

JEREMAÏAH 16:9

Shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan pynsngap jar ïa ki jingsawa ka jingkmen bad ka jingshadkmen bad ki jingsawa bakmen jong ki jingkhawai shongkurim. Ki briew hangne kin im ban ïohi ba kane ka jia.

JEREMAÏAH 25:10

Ngan pynsngap jar ïa ki jingkyang ka jingkmen bad ïa ka jinglehkmen bad ïa ka sur ïaleh sngewbha ha ki jingkhawai shongkurim. Kin ym don umphniang ïa ki sharak jong ki, bad kin ym don shuh ïa u kew.

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

ESEKIEL 26:13

Ngan pynkut noh ïa ki jingrwai jong pha baroh, bad ngan pynsngap jar ïa ki sur tem na ki duitara jong pha.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

LEBITIKOS 26:20

Baroh ka jingtrei shitom jong phi kan long lehnoh-ei, namar ka khyndew jong phi kan ym pynmih jingthung jingtep bad ki dieng kin ym seisoh.

AMOS 5:21

U Trai u ong, “Nga isih ïa ki Jingkhawai Niam jong phi; ngam lah shah ïa ki!

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

AMOS 8:5

Phi ong ha lade, “Ngim lah ap slem ïa ki sngi bakhuid ba kin kut noh khnang ba ngi lah ban die ïa u kew jong ngi. Lano ka sngi Sabbaton kan kut, khnang ba ngin ïoh sdang ban die biang? Nangta ngi lah ban oh dor rem, pyndonkam da ki jingthew bymhok, bad pynbakla ïa ki tarajur ban thok ïa ki nongthied jong ngi.

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!