HOSIA 2:1 - Khasi CL Bible (BSI)

¹ Kumta khot ïa ki para Israel “Ki briew jong U Blei” bad “kiba ieit da U Trai.”

KA BAIBL

¹ “To ong ha la ki para shynrang, ‘Ammi’; bad ha la ki para kynthei, ‘Ruhamah’.

HOSIA 2:1 ပူးပေါင်းရင်းမြစ်များ

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

JEREMAÏAH 32:38

Te kin long ki briew jong nga, bad ngan long U Blei jong ki.

JEREMAÏAH 51:5

Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

ESEKIEL 11:20

Te kin sumar ïa ki aiñ jong nga bad kin kohnguh hok ïa ki hukum jong nga. Kin long ki briew jong nga bad ngan long U Blei jong ki.

ESEKIEL 36:11

Ngan pynroi ïa ki briew bad ïa ki jingri. Hangta phin nang kham roi ban ïa kaba long mynshuwa bad phin ïoh shibun ki khun ki kti. Ngan shah ïa phi ban shong hangta kumba phi la ju shong, bad ngan pynlong ïa phi ban kham man roi ban ïa kaba mynshuwa. Te phin sa tip ba nga long U Trai.

ESEKIEL 36:28

Te phin shong ha ka ri ba nga la ai ha ki kpa tymmen jong phi. Phin long ki briew jong nga bad ngan long U Blei jong phi.

ESEKIEL 37:27

Ngan shong hangta bad ki; ngan long U Blei jong ki, bad ki kin long ki briew jong nga.

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.