HOSIA 14:4 - Khasi CL Bible (BSI)

⁴ U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

KA BAIBL

⁴ “Ngan pynkhiah ïa ka jingkylla dien jong ki, ngan ieit ei ïa ki: namar ka jingbitar jong nga ka la phai noh na u.

HOSIA 14:4 ပူးပေါင်းရင်းမြစ်များ

SALM 10:14

Hynrei me, me ïohi; me khmih ïa ka jingjynjar bad ka jingshah shitom, bad me ïailong uba la kloi ban ïarap. U briew u bym don nongïarap u aiti ïa lade ha me; me la ju ïarap ïa uba kyrduh.

SALM 20:8

Kiba kum kine ki briew kin jynthut bad kyllon, hynrei ngi, ngin khie bad ngin ïeng skhem.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

ESEKIEL 33:14

Nga lah ban maham ïa u briew uba sniew ba u dei ban ïap, hynrei lada u sangeh na kaba leh pop bad leh ïa kaei kaba dei bad kaba bha —

ESEKIEL 36:36

Te ki jaitbynriew ba-marjan kiba la lait im kin ïoh tip ba ma nga, U Trai, nga la tei pat ïa ki nongbah ba la jot, bad nga la thung ïa kata kaba la long shrah. Ma nga, U Trai, nga la kular ba ngan leh ïa kane — bad ngan sa leh.”

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

HOSIA 2:19

Ko Israel, ngan pynlong ïa pha ka tnga jong nga; ngan lehhok bad ïaineh; ngan pyn-i ïa pha ïa ka jingieit baneh bad ïa ka jingisynei bad ngan pynlong ïa pha ka jong nga junom.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

JINGKHEIÑ 25:11

“Namar kaei kaba u Phinehas u la leh, ngam bitar shuh ïa ki paid Israel. U kyntait ban shah ïa ka jingmane ïa uno uno u blei lait tang ïa nga, bad namar kata ngam shym la pynjot ïa ki wat haba nga la bitar.

JINGKHEIÑ 25:4

bad u ong ha u Moses, “Shim ïa ki nongïalam jong ki Israel baroh bad da kaba kohnguh ïa nga, pynïap ïa ki haba shai ka sngi te ngan ym bitar shuh ïa ki briew.”

Ka Shithi U Paul Sha Ki Nong Rom 3:24

Hynrei da ka jingaiei U Blei, ïa baroh la pynlong ka hok bad u lyngba U Khrist Jisu, uba pyllaitluid ïa ki.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

TITOS 3:4

Hynrei haba la pynpaw ïa ka jingsbun bad ka jingieit U Blei U Nongpynim jong ngi, u la pynim ïa ngi.