HOSIA 14:3 - Khasi CL Bible (BSI)

³ Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

KA BAIBL

³ U Asshur un ym pynim ïa ngi; ngin ym shong halor ki kulai: lymne ngin ym ong shuh ha ka jingtrei ki kti jong ngi, ‘Phi long ki blei jong ngi:’ namar ha me, u khunswet u shem jingisynei.”

HOSIA 14:3 ပူးပေါင်းရင်းမြစ်များ

2 KHRONIKL 16:7

Ha kata ka por u Hanani lyngdoh u leit sha u syiem Asa bad ong, “Namar ba me la shaniah ha u syiem Syria ban ïa kaba shaniah ha U Trai U Blei jong me, ka kynhun shipai u syiem Israel ka la lait phet na me.

SALM 10:14

Hynrei me, me ïohi; me khmih ïa ka jingjynjar bad ka jingshah shitom, bad me ïailong uba la kloi ban ïarap. U briew u bym don nongïarap u aiti ïa lade ha me; me la ju ïarap ïa uba kyrduh.

SALM 146:3

Wat buh ïa ka jingshaniah jong phi ha ki nongïalam ba kynja briew; ym don u briew uba lah ban pyllait im ïa phi.

SALM 146:9

U ïada ïa ki nongwei kiba shong basah ha ka ri jong ngi; u ïarap ïa ki riewkynthei bad ki khunswet, hynrei u leit lam ïa ki bymman sha ka jingjot jong ki.

SALM 33:17

Ki kulai thma kim lah ban ai jingjop; ka jingkhlaiñ jong ki kam lah ban pyllait im.

SALM 68:5

U Blei, uba shong ha ka Templ bakyntang jong u, u sumar ïa ki khunswet bad u ïada ïa ki riewkynthei.

ISAÏAH 1:29

Phin sngewsih ba phi la ju mane ïa ki dieng bad thung ki kper kyntang.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ISAÏAH 30:16

Pynban, phi thmu ban lait im na ki nongshun jong phi da kaba shong ha ki kulai bastet. Phi pyrkhat ïa kaba dei — ka jinglait im ka long kaei kaba phi donkam! Phi pyrkhat ba ki kulai jong phi ki long kiba stet bha, hynrei kito kiba beh nadien jong phi ki kham stet!

ISAÏAH 30:2

Ki ïaleit sha Ijipt na ka bynta ka jingïarap khlem pan ïa ka jingai jingmut jong nga. Ki kwah ba ka Ijipt kan ïada ïa ki, ba kumta ki buh ïa ka jingshaniah ha u syiem ka Ijipt.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 31:3

Ki nong Ijipt kim dei ki blei — ki long tang ki briew. Ki kulai jong ki kim dei kita kiba don ka bor bapalat liam. Haba U Trai u trei, ka hima bakhlaiñbor kan khyllem, bad ka hima batlot bor kaba ka ïarap kan kyllon. Baroh ar na ki kin shah pynjot.

ISAÏAH 36:8

Ngan pynlong ka jingïathong bad phi ha ka kyrteng u patsha. Ngan ai ïa phi ar hajar tylli ki kulai lada phi lah ban shem katta ngut ki rangbah ki ban shong ha ki.

JEREMAÏAH 49:11

Ieh ïa ki khunswet bad nga, bad ngan sumar ïa ki. Ki riewkynthei ki lah ban shaniah ha nga.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 37:23

Kin ym pyntngit shuh ïa lade da ki bleithaw kiba ijli lane pynjot ïa lade da ka pop. Ngan pyllait ïa ki na ki lynti jong ka jingleh pop bad ka jingshetkylla ïa nga. Ngan pynkhuid ïa ki, kin long ki briew jong nga, bad ngan long U Blei jong ki.

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 14:8

Ki paid Israel kim don bynta ei ei shuh bad ki bleithaw; ngan jubab ïa ki jingduwai jong ki bad sumar ïa ki; kum u dieng ba ïai jyrngam ngan kah tngen ïa ki; nga long u tynrai jong ki jingkyrkhu jong ki baroh.”

HOSIA 2:17

Ngan ym shah shuh ba kan dang kren ïa ka kyrteng u Baal.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

HOSIA 8:9

Ki long kiba mutlop kum ki kada khlaw, ki paid Israel kin ïaid ha la ka jong ka lynti. Ki la leit ban wad jingïarap na ki Assyria, bad ki la siew ruh ïa kiwei pat ki jaitbynriew ban ïada ïa ki.

JONAH 2:10

Te U Trai u la hukum ïa u dohkha ban prie noh ïa u Jonah harud duriaw, bad u la leh kumta.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

ÏOANNIS 14:18

“Ynda nga leit, phin ym sah tang marwei; ngan wan pat sha phi.

DEUTERONOMI 17:16

U syiem um dei ban pynbun ki kulai na ka bynta ïa lade, bad um dei ban phah briew sha Ijipt ban thied kulai nangta, namar U Trai u la ong ba ki briew jong u kim dei ban leit phai shata lano lano.