HOSIA 13:9 - Khasi CL Bible (BSI)

⁹ “Ngan pynjot ïa phi, ko ki paid Israel! Te uei uba lah ban ïarap ïa phi?

KA BAIBL

⁹ “Ka long ka jingjot jong me, ko Israel, ba me long pyrshah ïa nga, pyrshah ïa la ka jingïarap.

HOSIA 13:9 ပူးပေါင်းရင်းမြစ်များ

2 KHRONIKL 28:23

U kñia ki jingainguh ha ki blei jong ki Syria, kiba la jop ïa u. U ong, “Ki blei jong ki Syria ki la ïarap ïa ki syiem Syria, kumta lada nga ai jingkñia sha ki, ki lah ban ïarap ïa nga ruh.” Kane ka la wanrah jingpynjot ïa u bad ha ka hima jong u.

SALM 146:5

Suk uta u briew uba don U Blei jong u Jakob ban ïarap ïa u bad uba shaniah ha U Trai U Blei jong u,

SALM 33:20

Ngi buh ïa ka jingkyrmen jong ngi ha U Trai; u long ka jingïada bad ka jingïarap jong ngi.

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

PROBERB 6:32

Hynrei u briew uba klim um don ka bor sngewthuh. U shu pynjot ei ïa lade.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

ISAÏAH 3:9

Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 4:18

Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

JEREMAÏAH 5:25

Pynban, ki pop jong phi ki la bat noh ïa kine kiei kiei kiba bha na phi.

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

HOSIA 7:15

Wat la dei ma nga uba pynheh pynsan bad pynlong ïa ki kiba khlaiñ, ki ïasuhbuit sniew pyrshah ïa nga.

MALAKHI 1:12

Hynrei phi phim burom ïa nga haba phi ong ba ka duwan jong nga kam dondor satia bad haba phi ainguh ha ka da ki jingbam kiba phi la kyntait.

MALAKHI 1:13

Phi ong, ‘Katno ngi la ngiah ïa kane baroh!’ bad phi pyn-i ïa ka khmut jong phi sha nga. Kum ka jingainguh jong phi sha nga phi wanrah ïa u jingri ba la shu tuh ne uta uba dkoh ne uba pang. Hato phi pyrkhat ba ngan pdiang ïa kata na phi?

MALAKHI 1:9

Mynta, phi ki lyngdoh, pyrshang ban kyrpad ïa U Blei ba un lehbha ïa ngi. Un ym jubab ïa ki jingduwai jong phi, bad kan long ka jingbakla jong phi.

DEUTERONOMI 33:26

Ko Israel, ym don u blei uba kum U Blei jong phi, Uba ïaid ha ka burom ha sahit bneng, Uba ïaid ha ki lyoh ban wan ïarap ïa phi.

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.