HOSIA 13:8 - Khasi CL Bible (BSI)

⁸ Ngan tur ïaleh ïa phi kum ka dngiem kaba la duh ïa la ki khun, bad ngan tar arliang ïa phi. Kum u sing ngan bam ïa phi hangta hi, bad ngan tar ïa phi lyngkhot lyngkhai kum u mradkhlaw.

KA BAIBL

⁸ Ngan ïakynrup ïa ki kum ka dngiem kaba la duh noh la ki khun, bad ngan tar ïa ka jingsop kaba halor ka dohnud jong ki: te hangta ngan bam duh ïa ki kum u sing; u mrad khlaw un tar ïa ki.

HOSIA 13:8 ပူးပေါင်းရင်းမြစ်များ

2 SAMUEL 17:8

Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

SALM 80:13

Ki sniang khlaw ki ïuh ïa u, bad ki mradkhlaw ki bam ïa u.

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

ISAÏAH 56:9

U Trai u la ong ïa ki ri nongwei ban wan kum ki mradkhlaw bad bam duh ïa ki briew jong u.

JEREMAÏAH 12:9

Ki briew ba la jied jong nga ki long kum ka sim kaba la shah tur ïaleh ha ki kbeit na baroh ki liang. To khot ïa ki mradkhlaw ban wan bad ïashim bynta ha ka jingkhawai!

JEREMAÏAH 25:38

U Trai u la iehnoh ïa la ki briew kum u sing uba iehnoh ïa la ka krem. Ki jingshyrkhei ka thma bad ka jingbitar shla U Trai ki la pynkylla ïa ka ri sha ka ri shyiap.

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.