HOSIA 13:3 - Khasi CL Bible (BSI)

³ Bad kumta kine ki briew kin sa jah kum u lyoh khyndew mynstep, kum ka umjer kaba jah noh shen dang step phyrngab. Kin long kum u stait ba ka lyer ka rong noh na ka kyntem, kum ka tdem kaba mih na ka dpei.

KA BAIBL

³ Namar kata, kin long kum u lyoh mynstep, bad kum ka umjer kaba duh noh dang step, kum u stait ba la beh da ka lyer langthari na ka kyntem, bad kum ka tdem na u atoskhana.

HOSIA 13:3 ပူးပေါင်းရင်းမြစ်များ

Ka Kitab U Job 21:18

bad ban pyrsad noh ïa ki kum ïa ki phlangïap ha ka lyer, lane kum ïa u pui pui ba la rah noh ha ka 'erïong?

Ka Kitab U Job 30:15

Nga la shahjop ha ka jingshyrkhei; ka burom jong nga ka la mihnoh kum ka lyer, bad ka spah jong nga kum u lyoh.

SALM 1:4

Hynrei ki briew kiba sniew kim long kumne da lei lei; ki long kum u phlangïap uba ka lyer ka beh noh.

SALM 68:2

Kumba ïa ka tdem la beh noh, kumta ruh beh noh ïa ki; kumba ka bthing ka um ha khmat ka ding, kumta ruh ai ba ki bymman kin ïap ha ka jingdon ryngkat jong U Blei.

ISAÏAH 17:13

Ki jaitbynriew ki ïaid shaphrang kum ki jingat phyllung kiba wan stet, hynrei U Blei u sneng ïa ki bad ki kynran, la beh noh ïa ki kum u pui pui ha ki sharing lum, kum u phlangïap ha ka 'erlangthari.

DANIEL 2:35

Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

HOSIA 6:4

Hynrei U Trai u ong, “Ko Israel bad Judah, Kaei kaba ngan leh ïa phi? Ka jingieit jong phi ïa nga ka jah noh shen kum u slap mynstep; ka long kum ka umjer, kaba jah noh shen ha ka sngi.

SEPHANAÏAH 2:2

ha shuwa ba yn beh noh ïa pha kum ïa u stait ba la beh noh da ka lyer, ha shuwa ba ka jingbitar shla jong U Trai ka wan halor jong pha, ha shuwa ka sngi ha kaba u pyn-i ïa ka jingbitar shla jong u.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.