HOSIA 13:2 - Khasi CL Bible (BSI)

² Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

KA BAIBL

² Te mynta, ki nang ïai-leh pop, bad ki la thaw bleithaw ba la saiñdur na ka rupa, ki bleithaw keiñ kat kum ka jingnang jong ki, baroh phar ki kam u nongthaw dur: ki ong shaphang jong ki, “To ki briew kiba kñia kin doh ïa kita ki khun masi.”

HOSIA 13:2 ပူးပေါင်းရင်းမြစ်များ

1 SYIEM 19:18

Pynban ngan pynsah hynñiew hajar ngut ki briew ha Israel — kito kiba ïaineh ha nga bad ki bym shym la dem ïa u Baal ne doh ïa u bleithaw jong u.”

2 KHRONIKL 28:13

Ki ong, “Wat wan ïalam ïa kito ki koidi shane, Ngi la leh pop lypa pyrshah ïa U Trai bad pynbitar la biang ïa u ban pynshitom ïa ngi. Mynta phi kwah ban leh ei ei ban nang pynkit pop ïa ngi.”

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 44:11

Baroh uba mane ïa ka un shah ñiewbeiñ. Ki briew kiba shna ïa ki bleithaw ki long tang ki briew bad ym don shuh. Shah ïa ki ban wan bad ban ïeng ha ka jingbishar — kin khynñiuh bad kin shah pynjahburom.

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

ISAÏAH 46:6

Ki briew ki plied ïa la ki pla pisa bad ki theh shabar ïa ka ksiar; ki thew ïa ka rupa ha ki tarajur. Ki ainong ïa u bania ban shna durblei; nangta ki dem ngon bad mane ïa ka!

ISAÏAH 46:8

“To kynmaw ïa kane, phi ki nongpop; pyrkhat ïa kaei kaba nga la leh.

JEREMAÏAH 10:4

bad la pynitynnat da ka rupa bad ka ksiar. La pynskhem ïa ka da ki preg ban pyllait ïa ka na ka jingkyllon.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 11:2

Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

HOSIA 11:6

Ka thma kan khie ha ki nongbah jong ki, bad kan pynkheiñ ïa ki khyrdop ka nongbah. Kan pynjot ïa ki briew jong nga namar ki leh ïa kaei kaba ma ki hi ki pyrkhat ba ka long kaba bha tam.

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

HOSIA 8:4

“Ki briew jong nga ki la jied ïa ki syiem. Hynrei ki la leh ïa kata ha la ka jong ka lynti. Ki thung ïa ki nongïalam, hynrei khlem ka jingpynskhem jong nga. Ki shim ïa ka rupa bad ka ksiar jong ki bad ki thaw ïa ki bleithaw — na ka bynta ka jingjot jong ki hi.

HOSIA 8:5

Nga isih ïa u masi ksiar ba mane da ki briew jong ka nongbah Samaria. Nga bitar lep ïa ki. Sa katno kan shim por shuwa ba kin sangeh noh na kaba mane bleithaw?

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

JINGKHEIÑ 32:14

Bad mynta phi la shim ïa ka jaka jong ki kpa tymmen jong phi, ka pateng bynriew bathymmai jong ki riewbymman kaba kloi ban pynwan biang ïa ka jingbitar kaba shyrkhei jong U Trai halor ki Israel sa shisien pat!

Ka Shithi U Paul Sha Ki Nong Rom 11:4

Kaei ka jubab ba U Blei u la ai ïa u? “Nga la buh na ka bynta jong nga, hynñiew hajar ngut ki rangbah ki bym shym la mane ïa u blei thala, u Baal.”

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u: