HOSIA 13:16 - Khasi CL Bible (BSI)

¹⁶ Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

KA BAIBL

¹⁶ Ka Samaria kan kit la ka jingrem; namar ka la ïaleh pyrshah ïa la U Blei: kin kyllon da ka waitlam; ïa ki khunlung jong ki yn lympat, bad ïa ki kynthei kiba punkhun jong ki, yn tar noh.”

HOSIA 13:16 ပူးပေါင်းရင်းမြစ်များ

2 SYIEM 15:16

Katba u Menahem u dang don ha lynti na Tirsah, u pynjot thiaw ïa ka nongbah Tappuah, ki nongshong shnong jong ka, bad ki ri ba-marjan, namar ka nongbah kam shym pyndem wait ha u. U patar wat ïa ki kpoh jong ki kynthei ba-armet baroh.

2 SYIEM 17:18

U Trai u la bitar ïa ki Israel bad u pyndam ïa ki na khmat jong u, da kaba iehnoh tang ïa ka hima Judah.

2 SYIEM 17:5

Nangta u Shalmaneser u tur ïaleh ïa ka Israel bad u kerkut ïa ka Samaria. Ha ka snem kaba lai jong ka jingshah kerkut,

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

2 SYIEM 8:12

“Balei kynrad phi ïam?” u Hasael u kylli. U Elisha u jubab, “Namar ba nga tip ïa kiei kiei kiba shyrkhei kiba men leh pyrshah ïa ki paid Israel.” “Men sa wiang ding ïa ki kut jong ki, men sa pynïap ïa ki rangsamla bakynsai jong ki, men sa lynthaw ïa ki khun rit jong ki ha ban da ïap, bad men sa patar ïa ki kynthei jong ki kiba armet.”

ISAÏAH 13:16

Katba ki dang khmih ha ka jingbymlah leh ei ei, ïa ki khunlung jong ki yn tied pynïap, ïa ki ïing jong ki yn lute, bad ïa ki tnga jong ki yn batbor.”

ISAÏAH 17:3

Ka Israel kan long kaba khlem jingïada, bad ka Damaskos kan duh noh ïa ka jinglaitluid jong ka. Kito ki nong Syria kiba lait im kin don ha ka jinglehrain kum ki briew jong ka Israel. Nga, U Trai Badonbor Baroh, nga la kren.”

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

HOSIA 11:6

Ka thma kan khie ha ki nongbah jong ki, bad kan pynkheiñ ïa ki khyrdop ka nongbah. Kan pynjot ïa ki briew jong nga namar ki leh ïa kaei kaba ma ki hi ki pyrkhat ba ka long kaba bha tam.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

AMOS 1:13

U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

AMOS 3:9

To pynbna ha kito kiba shong ha ki ïingsyiem ha Ijipt bad Ashdod: “Ïalumlang ha ki lum sawdong ka Samaria, bad peit ïa ka jingkhynwin kaba khraw bad ka jingbymman ba la leh hangta.”

AMOS 9:1

Nga la ïohi ïa U Trai ba u ïeng harud ka duwan. U la ai ka hukum: “Tied tyngeh ïa ki khlieh rishot jong ka Templ haduh ba ka shyngkub baroh kawei kan da khih. Pynpait ïa ki bad ai ba kin hap halor ki khlieh jong ki briew. Ngan pynïap ha ka thma ïa ki briew kiba dang sah. Yn ym don u ban ïohphet; wat uwei ruh un ym lait im.

MIKAH 1:4

Te ki lum kin um hapoh jong u kum ka bthing ha ka ding, kin noh sha ki jaka them kum ka um batuid arsut ïa u lumrit.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

NAHUM 3:10

Pynban ïa ki briew jong ka Thebes la rah noh sha ka jinglongmraw. Ha kawei pa kawei ka kyndong jong ka lynti bah ïa ki khun jong ki la tied pynïap. Ïa ki rangbah bapawkhmat jong ki la ïalam noh ha ki kynjri bad la pynïabynta hapdeng ki nongkurup.