HOSIA 13:10 - Khasi CL Bible (BSI)

¹⁰ Phi pan ïa u syiem bad ki nongïalam, hynrei mynta kumno ki lah ban pyllait im ïa ka ri?”

KA BAIBL

¹⁰ Hangno u syiem jong me mynta, ba un pynim ïa me ha ki nongbah jong me baroh? bad hangno ki nongbishar jong me, kiba me la ong, ‘Ai syiem bad nongsynshar ïa nga?’

HOSIA 13:10 ပူးပေါင်းရင်းမြစ်များ

1 SYIEM 12:20

Haba ki paid Israel ki ïohsngew ba u Jeroboam u la wan phai na Ijipt, ki khot sngewbha ïa u sha ka jingïalang paidbah bad ki pynlong ïa u, u syiem ki Israel. Tang ka jait Judah kaba ïaisah ban ïaineh bad kiba hiarpateng na u Dabid.

2 SYIEM 17:4

Hynrei ha kawei ka snem u Hoshea u phah nonglamktien sha u So, u syiem ka Ijipt, ban pan ïa ka jingïarap jong u, bad u sangeh noh ka jingsiew ïa ka jingnguh syiem ba man ka snem sha ka Assyria. Haba u Shalmaneser u tip ïa kane, u phah kem ïa u Hoshea bad buh ïa u ha ka byndi.

SALM 10:16

U Trai u long u syiem junom la junom. Kito kiba mane ïa kiwei pat ki blei kin jah noh na ka ri jong u.

SALM 149:2

To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

SALM 44:4

Me long u syiem jong nga bad U Blei jong nga; me ai jingjop ïa ki briew jong me,

SALM 74:12

Hynrei me la long u syiem jong ngi naduh kaba sdang, A Blei; me la pyllait im ïa ngi bunsien.

SALM 89:18

Ma me, A Trai, me la jied ïa u nongïada jong ngi; ma me, U Blei Uba Khuid jong ki Israel, me la ai ha ngi ïa u syiem jong ngi.

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 43:15

Nga long U Trai, U Blei bakhuid jong phi, nga la thaw ïa phi, ko Israel, bad nga long u Syiem jong phi.”

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

JEREMAÏAH 8:19

Shahshkor! Ha kylleng ka ri nga ïohsngew ba ki briew jong nga ki kyang jam, “Hato U Trai um don shuh ha Seïon? Hato u syiem ka Seïon um don shuh hangta?” U Trai, u syiem jong ki, u jubab, “Balei phi la pynbitar ïa nga da kaba mane ïa ki bleithaw jong phi bad da kaba nguh dem ïa ki blei nongwei bymmyntoi?”

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

HOSIA 10:3

Kine ki briew shen kin sa ong, “Ngim don syiem, namar ngim shym la sheptieng ïa U Trai. Hynrei kaei kaba u syiem un lah ban leh na ka bynta jong ngi?”

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 7:7

“Ha ka jingkhluit ka jingbitar jong ki, ki pynïap ïa la ki nongsynshar. Ki syiem jong ki, ki shah pynïap uwei hadien uwei, hynrei ym don na ki uba khot kyrpad ïa nga ban ïoh jingïarap.”

HOSIA 8:4

“Ki briew jong nga ki la jied ïa ki syiem. Hynrei ki la leh ïa kata ha la ka jong ka lynti. Ki thung ïa ki nongïalam, hynrei khlem ka jingpynskhem jong nga. Ki shim ïa ka rupa bad ka ksiar jong ki bad ki thaw ïa ki bleithaw — na ka bynta ka jingjot jong ki hi.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

1 SAMUEL 8:7

bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.