HOSIA 12:3 - Khasi CL Bible (BSI)

³ U kpa tymmen jong ki u Jakob u la ïaleh ïa u hynmen synrap jong u, u Iso, katba baroh ar ngut ki dang don hapoh ka kpoh ka kmie jong ki; haba u Jakob u la nang san, u ïaleh pyrshah ïa U Blei —

KA BAIBL

³ Ha ka kpoh, u la bat na ka khongdong'jat ïa u hynmen jong u; bad ha la ka jingkhlaiñ u la ïaleh bad U Blei:

HOSIA 12:3 ပူးပေါင်းရင်းမြစ်များ

JENESIS 25:26

Ïa uba ar la kha da kaba u batskhem triang ïa ka khongdong'jat jong u Iso; kumta la khot kyrteng ïa u, u Jakob. U Isaak u la dap hynriewphew snem ka rta mynba la kha ïa ki.

2 SYIEM 17:18

U Trai u la bitar ïa ki Israel bad u pyndam ïa ki na khmat jong u, da kaba iehnoh tang ïa ka hima Judah.

2 SYIEM 17:20

U Trai u la kyntait ïa ki Israel baroh, u pynshitom ïa ki bad u aiti noh ïa ki sha ki nongshun barunar haduh ha kaba khatduh ban pyndam ïa ki na khmat jong u.

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

JEREMAÏAH 2:9

“Bad kumta ma nga, U Trai ngan buh biang ïa ka mokotduma pyrshah ïa ki briew jong nga. Ngan wanrah ki jingmudui pyrshah ïa ki khun ki ksiew jong ki.

ESEKIEL 7:3

“Ko Israel, kaba kut ka la wan. Phan sa sngew ïa ka jingbitar jong nga; naba ngan bishar ïa pha ïa kaei kaba pha la leh. Ngan pynshitom ïa pha namar ki kam ijli jong pha baroh.

ESEKIEL 7:8

“Mynta kumne kumne phan sa sngew ïa ka bor jingbitar jong nga baroh. Ngan bishar ïa pha kat kum kiei kiei kiba pha la leh, bad pynshitom ïa pha namar ki kam ba-ijli jong pha baroh.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 4:9

Phin sa shah ïa kajuh ka jingpynshitom kum ki riewpaidbah! Ngan pynshitom ïa phi bad pynlong ïa phi ban siew na ka bynta ka jingsniew ba phi leh.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

MIKAH 6:2

Phi ki lumbah, phi ki nongrim bymjukut jong ka khyndew, to shahshkor ïa ka jingmudui jong U Trai! U Trai u don ka jingmudui pyrshah ïa la ki briew. Un wanrah ïa ka jingkynnoh pyrshah ïa ki Israel.

Ka Shithi U Paul Sha Ki Nong Rom 9:11

Hynrei khnang ba ka jingjied ïa uwei u khun shynrang kan long nadong shadong ka jingmih jong ka jingthmu U Blei hi, U Blei u la ong ïa ka, “U hynmen un shakri ïa u para.” U la ong ïa kane shuwa ba yn kha ïa ki, shuwa ba ki la leh ïa kano kano kaba bha ne kaba sniew; kumta ïa ka jingjied U Blei la pynshong nongrim ha ka jingkhot jong u, bad ym ha kano kano kaba ki la lah leh.