HOSIA 12:2 - Khasi CL Bible (BSI)

² U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

KA BAIBL

² U Trai u don ruh ka jingïasaid bad u Judah, bad un pynshitom ïa u Jakob kat kum ki jingïaid jong u; kat kum ki jingleh jong u un siew kylliang ïa u.

HOSIA 12:2 ပူးပေါင်းရင်းမြစ်များ

2 SYIEM 17:4

Hynrei ha kawei ka snem u Hoshea u phah nonglamktien sha u So, u syiem ka Ijipt, ban pan ïa ka jingïarap jong u, bad u sangeh noh ka jingsiew ïa ka jingnguh syiem ba man ka snem sha ka Assyria. Haba u Shalmaneser u tip ïa kane, u phah kem ïa u Hoshea bad buh ïa u ha ka byndi.

SALM 78:36

Hynrei ki kyntien jong ki, ki long baroh kiba lamler; ym don kano kano kaba ki kren kaba long kaba sngur.

EKLESIASTIS 5:15

Ngi ieh ïa kane ka pyrthei kumba ngi la wan rung sha ka — da kaba thylli. Nalor ka kam jong ngi baroh ym don kano kano kaba ngi lah ban rah bad ngi.

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

ISAÏAH 30:6

Kane ka dei ka khubor jong U Blei shaphang ki mrad jong ka ri shyiap bashathie: “Ki nongkit 'tiensyiem ki ïaid lyngba ka ri bashyrkhei, ha kaba ki sing ki don bad ha kaba ki bseiñ kiba don bih bad ki Ïakjakor kiba her. Ki pynkit halor ki kada bad ki ut jong ki da ki jingai sngewbha baremdor na ka bynta ka hima ka bym lah ban ai ïa ki kano kano ka jingïarap.

ISAÏAH 59:18

Un pynshitom ïa ki nongshun jong u kat kum ki jingleh jong ki, wat ïa kito kiba shong sha ki ri kiba jngai.

JEREMAÏAH 25:31

U Trai un tian bishar pyrshah ïa ki jaitbynriew; un wallam ïa ki briew baroh ha ka jingbishar, bad ïa kiba bymman un pynïap, U Trai u la kren.’ ”

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

HOSIA 4:9

Phin sa shah ïa kajuh ka jingpynshitom kum ki riewpaidbah! Ngan pynshitom ïa phi bad pynlong ïa phi ban siew na ka bynta ka jingsniew ba phi leh.

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

HOSIA 7:2

Kam ju rung ha ki jingmut jong ki ba ngan kynmaw ïa kane ka kam sniew baroh; hynrei ki pop jong ki, ki ker sawdong ïa ki, bad ngam lah khlem da ïohi ïa ki.”

HOSIA 8:10

Hynrei mynta ngan lumlang ïa ki bad pynshitom ïa ki. Shen shen kin sa kyrthat ha ka jingpang, haba u patsha ka Assyria u banbeiñ ïa ki.

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 8:9

Ki long kiba mutlop kum ki kada khlaw, ki paid Israel kin ïaid ha la ka jong ka lynti. Ki la leit ban wad jingïarap na ki Assyria, bad ki la siew ruh ïa kiwei pat ki jaitbynriew ban ïada ïa ki.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

MIKAH 6:2

Phi ki lumbah, phi ki nongrim bymjukut jong ka khyndew, to shahshkor ïa ka jingmudui jong U Trai! U Trai u don ka jingmudui pyrshah ïa la ki briew. Un wanrah ïa ka jingkynnoh pyrshah ïa ki Israel.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

Ka Shithi U Paul Sha Ki Nong Rom 2:6

Naba U Blei un ainong ïa uwei pa uwei kat kum kaei kaba u la leh.

GALATIA 6:7

Wat ym shukor phi ïa lade hi, ym don mano mano uba ñiew bieit ïa U Blei. U briew un ot ïa kaei kaba u bet.