HOSIA 12:1 - Khasi CL Bible (BSI)

¹ Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

KA BAIBL

¹ “U Ephraim u bam ïa ka lyer, bad u beh ïa ka lyer mihngi: u ïaipynroi ïa ka jinglamler bad ka jingjot; bad ki ïateh jutang bad ka Assyria, ïa ka umphniang ruh la leit lam sha Ijipt.”

HOSIA 12:1 ပူးပေါင်းရင်းမြစ်များ

JENESIS 41:6

Nangta, sa hynñiew tylli kiwei pat ki kop kew ki la shylluit, kiba raikhoh bad ba la pyntyrkhong da ka lyer ri shyiap, bad ki kop kew kiba raikhoh ki la nguid noh ïa kiba met.

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 KHRONIKL 21:11

U la tei wat ïa ki jaka mane blei thala ha ki ri lum Judia bad u ïalam ïa ki briew ka Judah bad ka Jerusalem ban leh pop pyrshah ïa U Trai.

SALM 78:36

Hynrei ki kyntien jong ki, ki long baroh kiba lamler; ym don kano kano kaba ki kren kaba long kaba sngur.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 22:22

Ïa ki nongïalam jong phi yn rong noh da ka lyer, kiba ïateh lok bad phi kin shah ring kum ki mraw ka thma; ïa ka nongbah jong phi yn pynjahburom bad shah pynlehrain namar ki kam bymman baroh kiba phi la leh.

JEREMAÏAH 7:15

Ngan beh noh ïa phi na ka jingïohi jong nga kumba nga la leh ïa ki ba-ha-ïing ha-sem jong phi, ki paid Israel. Ma nga, U Trai, nga la kren.”

SNGEWSYNEI 5:6

Ban ïoh jingbam kaba biang ban im, ngi la leit khrong sha Ijipt bad Assyria.

ESEKIEL 17:10

Ho-oid la thung ïa ka, hynrei hato kan im bad san? Hato kan ym ïapstai haba ka lyer mihngi ka shoh ïa ka? Hato kan ym ïapstai hangta ha kaba ka san?”

HOSIA 11:12

U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

HOSIA 11:9

Ngan ym pynshitom ïa phi ha ka jingbitar jong nga; ngan ym pynjot shuh ïa ki Israel. Namar nga dei U Blei bad ym u briew. Ma nga, uta Uba Khuid ngan long bad phi. Ngan ym wan sha phi ha ka jingbitar.

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

HOSIA 4:19

Yn sa rong noh ïa ki kumba kit da ka lyer, bad kin sa shah ka jinglehrain namar ba ki kñia ha ki blei thala.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

HOSIA 8:7

Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.