HOSIA 11:8 - Khasi CL Bible (BSI)

⁸ “Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

KA BAIBL

⁸ “Kumno ngan iehnoh ïa me, Ephraim? kumno ngan pyllait ïa me, Israel? kumno ngan pynlong ïa me kum ka Admah? kumno ngan buh ïa me kum ka Seboim? ïa ka dohnud jong nga la pynkylla hapoh jong nga, ïa ki jingsngewsynei jong nga la pynmeh lang.

HOSIA 11:8 ပူးပေါင်းရင်းမြစ်များ

JENESIS 14:8

Nangta ki syiem jong ka Sodom, ka Gomorrah, ka Admah, ka Seboiim, bad ka Bela ki la khreh ïa la ki shipai na ka bynta ka thma ha ka them Siddim bad ki la ïaleh pyrshah

2 SAMUEL 24:16

Haba u angel U Trai u la jan pynjot ïa ka Jerusalem, U Trai u la kylla ka jingmut ban pynshitom ïa ki briew bad u ong ha u angel uba pynïap ïa ki, “Sangeh! Ka la biang katto!” U angel u la don hajan ka jaka shoh kew jong u Araunah, u nong Jebus.

1 SYIEM 3:26

Ka kmie kaba shisha, da ka dohnud kaba shlei da ka jingieit ïa la u khun, ka ong ha u syiem, “Sngewbha, ko Syiem Kynrad, wat pynïap ïa u khunlung! Ai ïa u ha ka!” Hynrei kata kawei pat ka kynthei ka ong, “Wat ai ïa u hano hano na ngi; to leh bad phiah arliang ïa u.”

2 SYIEM 13:23

hynrei U Trai u long uba bha bad leh-isynei ïa ki. Um shah ba yn pynjot ïa ki, hynrei u ïarap ïa ki, namar ka jutang jong u bad u Abraham, u Isaak, bad u Jakob. Um pat ju klet ïa la ki briew.

2 KHRONIKL 36:15

U Trai, U Blei ki kpa tymmen jong ki, u ïai phah ïa ki nongïathuhlypa ban maham ïa ki briew jong u, namar ba u kwah ban da ïa ki bad ïa ka templ.

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

JEREMAÏAH 18:8

hynrei hadien, kata ka jaitbynriew ka phai noh na ka jingsniew jong ka, ngan ym leh ïa kaei kaba nga la ong ba ngan leh.

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 42:10

‘Lada phi mon ban ïaisah ha kane ka ri, te ngan kyntiew ïa phi bad ym ban pynjot ïa phi; ngan pynskhem ïa phi bad ym ban rat ïa phi. Ka jingpynjot kaba nga la wanrah ha phi ka la pynlong ka jingsngewsih bakhraw ïa nga.

JEREMAÏAH 9:7

Namar kane U Trai Badonbor Baroh u ong, “Ngan phrang ïa ki briew jong nga kum ïa ka nar bad buh ïa ki ha ka jingtynjuh. Ki briew jong nga ki la leh ïa kaba sniew — sa kaei pat kaba nga lah ban leh bad ki?

SNGEWSYNEI 1:20

“Ha khmih, A Trai, ha ka jingkordit jong nga, ha ka jingjynjar sat ka mynsiem jong nga! Ka dohnud jong nga ka pait ha ka jingsngewsih na ka bynta ki pop jong nga. Ka don ka jingpynïap ha ki lynti bah; wat hapoh ïing ka don ka jingïap.

SNGEWSYNEI 3:32

U lah ban wallam ka jingsngewsih ha ngi, hynrei ka jingieit jong u ïa ngi ka long kaba thikna bad kaba khlaiñ.

SNGEWSYNEI 3:33

Um don jingsngewbha ban pynlong ïa ngi ban sngewsih lane ban pang.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

HOSIA 6:4

Hynrei U Trai u ong, “Ko Israel bad Judah, Kaei kaba ngan leh ïa phi? Ka jingieit jong phi ïa nga ka jah noh shen kum u slap mynstep; ka long kum ka umjer, kaba jah noh shen ha ka sngi.

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

AMOS 7:3

U Trai u kylla noh la ka jingmut bad u ong, “Kaei kaba phi la ïohi kan ym jia.”

AMOS 7:6

U Trai u kylla biang la ka jingmut bad u la ong, “Kane ruh kan ym jia.”

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

DEUTERONOMI 29:22

“Ha ki pateng ki ban wan, ki khun ki ksiew jong phi bad ki nongwei na ki ri kiba jngai kin ïohi ïa ki jingpynjot bad ki jingshah shitom ba U Trai u la pynngat ha ka ri jong phi.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

2 PETROS 2:6

U Blei u la pynrem ïa ki nongbah ka Sodom bad ka Gomorrah, da kaba pynjot ïa ki da ka ding, bad u la pynlong ïa ki ka nongmuna jong kaei ka ban jia ha ki bymtip Blei.

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.

JINGPYNPAW 18:18

bad ki la lynñiar jam haba ki la ïohi ïa ka tdem na ki thylliej dieng kiba la bam duh ïa ka: “Ym pat ju don kawei pat ka nongbah kum kane ka nongbah kaba khraw!”

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.