HOSIA 11:6 - Khasi CL Bible (BSI)

⁶ Ka thma kan khie ha ki nongbah jong ki, bad kan pynkheiñ ïa ki khyrdop ka nongbah. Kan pynjot ïa ki briew jong nga namar ki leh ïa kaei kaba ma ki hi ki pyrkhat ba ka long kaba bha tam.

KA BAIBL

⁶ Te ka waitlam kan hap ha ki nongbah jong u, bad kan pynduh ïa ki dieng khang jong u, bad kan bam duh, namar ki jingïasylla jong ki hi.

HOSIA 11:6 ပူးပေါင်းရင်းမြစ်များ

SALM 106:39

Ki la pynlong ïa lade ki bymkhuid da ki jingleh jong ki bad ki la long bymïaineh ha U Blei.

SALM 106:43

Bunsien U Trai u pyllait ïa ki briew jong u, hynrei ki jied ban ïaleh pyrshah ïa u bad ngam kham jylliew ha ka pop.

ISAÏAH 18:5

Ha shuwa ba yn lum ïa ki sohwaiñ, haba ki syntiew ki la hap lut bad ba ki sohwaiñ ki la ih, u nongshun un pynjot ïa ki nong Sudan da kaba suk kumba ka tari ka ot ïa ki tnat na u dieng sohwaiñ.

ISAÏAH 27:10

Ka nongbah ba la kerkut ka don ha ka jingjot. La iehnoh kynjah ïa ka kum ka ri khlaw kynjah bym don ei ei. Ka la long ka jaka bam phlang jong ki masi, ha kaba ki lah ban shongthait bad bam phlang.

ISAÏAH 30:1

U Trai u la kren: “Kito kiba synshar ïa ka Judah kin jot noh namar ki ïaleh pyrshah ïa nga. Ki bud ïa ki jingthmu kiba ngam shym la shna, bad ki soi ïa ki jingïateh kular pyrshah ïa ka mon jong nga, da kaba kynton kawei ka pop halor kawei pat.

ISAÏAH 9:14

Hapoh kawei ka sngi U Trai un pynshitom ïa ki nongïalam jong ka Israel bad ïa ki briew jong ka. Un ot noh ïa ki, ïa ka khlieh bad ïa u tdong.

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

JEREMAÏAH 50:35

U Trai u ong, “Ka Jingïap ïa ka Babilonia! Ka Jingïap ïa ki briew jong ka, ïa ki nongsynshar jong ka, ïa ki rangbah bastad jong ka.

SNGEWSYNEI 2:9

Ki khyrdop ki la shah tep ha ka kynton ba la pra, ïa ki nar ker jong ki la shoh lyngkhot. U syiem bad ki riewdonburom mynta ki don ha ka jingshah ringmraw. Ïa ka Aiñ ym shym la hikai shuh, bad ki nongïathuhlypa kim don shuh kino kino ki jingïohipaw na U Trai.

ESEKIEL 20:47

Ong ïa ka khlaw bashaphang shathie ban shahshkor ïa kaei kaba U Trai Nongsynshar u ong: Ha khmih! Nga pynmeh ïa ka ding, bad kan thang khoit ïa uwei pa uwei u dieng ha phi, la uba jyrngam ne uba tyrkhong. Yn ym don mano mano ba lah ban pynlip ïa ka. Kan pur na shathie haduh shatei, bad uwei uwei baroh un sngew ïa ka jingkhluit ki thylliej ding.

HOSIA 10:14

ka thma kan sa wan ha ki briew jong phi, bad ïa ki kut jong phi baroh yn pynjot. Kan long kum ka sngi ha kaba u syiem Shalman u la pynjot ïa ka nongbah Betharbel ha ka thma, ha kaba ïa ki kmie bad ki khun jong ki la pynlwet haduh ban da ïap.

HOSIA 10:6

Ïa uta u bleithaw yn kit noh sha Assyria kum ka jingnguh syiem ïa u patsha uba khraw. Ïa ka Israel yn pynjahburom bad yn pynlehrain namar ki jingai jingmut ba ka bud.

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 4:16

Ki paid Israel ki long mutlop kum ki khashor. Kumno ngan bsa ïa ki kum ïa ki langbrot ha ki pyntha phlang?

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

MIKAH 5:11

Ngan pynjot ïa ki nongbah ha ka ri jong phi bad pynpra ïa ki jingïada jong phi baroh.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

DEUTERONOMI 28:52

Kin tur pyrshah ïa ki shnong jong phi baroh ha kata ka ri ba U Trai U Blei jong phi u ai ha phi, bad ki kynroh kiba jrong bad kiba skhem ha kiba ai jingshngain ïa phi kin kyllon.

DEUTERONOMI 32:25

Ka thma kan wallam ka jingïap ha ki lynti, ka jingshyrkhei kan lynshop ha ki ïing. Ki rangsamla bad ki theisamla kin ïap; yn ym map ïa ki khunlung ne ïa ki tymmen ruh.