HOSIA 11:4 - Khasi CL Bible (BSI)

⁴ Nga la ring ïa ki sha nga da ka jingsngewieit bad ka jingieit. Nga la rah ïa ki bad pyndei ïa ki ha ka ngab jong nga. Nga la dem sha ki bad nga la bsa ïa ki.

KA BAIBL

⁴ Nga la ring ïa ki da ki tyllai u briew, da ka jingteh ka jingieit; nga la long ruh ha ki kum kita kiba loit noh ïa ka lyngkor na ka shyntur jong ki, bad nga la buh jingbam ha khmat jong ki.

HOSIA 11:4 ပူးပေါင်းရင်းမြစ်များ

2 SAMUEL 7:14

Ngan long u kpa jong u, bad u, un long u khun jong nga. Haba u leh bakla, ngan sneng sympat ïa u kumba u kpa u sneng sympat ïa la u khun.

SALM 105:40

Ki pan, bad u phah ïa ki syiar khlaw; u ai ïa ki ka jingbam na bneng ban pynhun ïa ki.

EKSODOS 16:32

U Moses u ong, “U Trai u la hukum ba ngin tyngkai ïa ka manna na ka bynta ki khun ki ksiew jong ngi, ba ki lah ban ïohi ïa kata ka jingbam ba u ai ha ngi ha ri shyiap ban bam, mynba u wan ïalam noh ïa ngi na ka ri Ijipt.”

JINGRWAI SOLOMON 1:4

To shim ïa nga bad phi, bad ngin ïaphet noh; to long u syiem jong nga bad shim ïa nga sha ka kamra jong phi. Ngin ïakmen lang, ngin ïadih bun bad pyllaitluid war ïa lade ha ka jingieit. Kam long kaba phylla ba baroh ki kynthei ki ieit ïa phi!

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

LEBITIKOS 26:13

Nga, U Trai U Blei jong phi, uba wallam ïa phi na ka ri Ijipt khnang ba phin ym long shuh ki mraw. Nga la pynkheiñ ïa ka bor kaba pynpoh ïa phi, bad nga la pynlah ïa phi ban ïaid ha ka burom.”

ÏOANNIS 12:32

Ynda la kyntiew ïa nga na ka pyrthei, ngan khring ïa ki briew baroh sha nga.”

2 KORINTH 5:14

La synshar ïa ngi da ka jingieit U Khrist, mynta ba ngi tip ba uwei u briew u la ïap na ka bynta jong uwei pa uwei, kaba mut ba baroh ki ïoh bynta lang ha ka jingïap jong u.

DEUTERONOMI 32:12

U Trai da lade hi u ïalam ïa la ki briew, ym don u blei nongwei uba ïarap ïa u.

DEUTERONOMI 32:14

Ki masi bad ki blang jong ki, ki ai kyrhai ka dud, ki la don ki langbrot, ki blang, bad ki masi ruh kiba da kynsai, u kew uba kynsai tam bad ka waiñ kaba bang tam.