HOSIA 11:2 - Khasi CL Bible (BSI)

² Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

KA BAIBL

² Kumba ki la khot ïa ki, kumta, ki la leit noh na ki: ki la kñia ha ki Baal, bad ki la thang ka jingiwbih ha ki dur ba la mut.

HOSIA 11:2 ပူးပေါင်းရင်းမြစ်များ

1 SYIEM 12:33

Bad ha ka sngi kaba khatsan jong u bnai uba phra, ka sngi kaba u hi u la buh, u leit sha Bethel bad u kñia ka jingainguh ha ka duwan ban rakhe ïa ka jingkhawai niam ba u la seng na ka bynta ki paid Israel.

1 SYIEM 18:19

Mynta hukum ïa ki paid Israel baroh ban ïakynduh ïa nga ha u Lum Karmel. Wallam ruh sawspah sanphew ngut ki nongïathuhlypa jong u Baal bad sawspah ngut ki nongïathuhlypa jong ka blei Asherah kiba ïoh jingkyrshan na ka syiem Jesebel.”

NEHEMAÏAH 9:30

Na kawei ka snem sha kawei pat, ha ka jingïaishah me la maham ïa ki. Me pyrsad mynsiem ïa ki nongïathuhlypa jong me ban kren, hynrei ki briew jong me ki long kyllut, kumta me shah ïa kiwei pat ki jaitbynriew ban jop ïa ki.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 44:5

Hynrei phim shahshkor satia lane pynleit jingmut. Phim iehnoh noh ïa ki jingmlien basniew ban kñia ha kiwei ki blei.

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

HOSIA 4:13

Ha ki jaka kyntang ha kliar ki lumbah ki kñia ainguh, bad ha ki lumrit ki thang jingiwbih hapoh ki dieng kiba jrong bad kiba ïar namar ka jingkahtngen jong ki ka long kaba sngewtynnat! “Kaba mih nangta, ki khun kynthei jong phi ki ïaleh nuti, bad ki pyrsa kurim kynthei jong phi ki ïaklim.

HOSIA 4:17

Ki paid Israel ki don hapoh ka jingshoh bieit ki bleithaw. Ai kin ïaid ha la ka jong ka lynti.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

SEKHARAÏAH 7:11

“Hynrei ki briew jong nga ki kyntait da ka jingmynthi ban pynshahshkor ïa nga. Ki khang ïa ki jingmut jong ki

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

ÏOANNIS 3:19

Kane ka long kumno ka jingbishar ka trei: Ka jingshai ka la wan sha ka pyrthei, hynrei ki briew ki ieit ïa ka jingdum ban ïa ka jingshai, namar ba ki kam jong ki, ki long kiba sniew.

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

NONGBISHAR 10:6

Sa shisien pat ki Israel ki la leh pop pyrshah ïa U Trai da kaba mane ïa ki Baal bad ïa ki Astarte, lem bad ïa ki blei jong ki Syria, jong ki Sidon, jong ki Moab, jong ki Ammon, bad jong ki Philistia. Ki la iehnoh ïa U Trai bad ki la sangeh ban mane ïa u.

NONGBISHAR 2:13

Ki la sangeh ban mane ïa U Trai bad ki la shakri ïa ki blei Baal bad Astarte.

NONGBISHAR 3:7

Ki paid Israel ki la klet ïa U Trai U Blei jong ki; ki la leh pop pyrshah ïa u bad mane ïa ki bleithaw Baal bad Asherah.